മത്സരിക്കാന്‍ വിദ്യാഭ്യാസ യോഗ്യത; ഹരിയാനയുടെ തീരുമാനം സുപ്രീംകോടതി ശരിവെച്ചു
Thursday 10th of December 2015 07:08:10 PM
ന്യൂഡല്‍ഹി: പഞ്ചായത്ത്
തെരഞ്ഞെടുപ്പില്‍ മത്സരിക്കാന്‍ വിദ്യാഭ്യാസ യോഗ്യത ഏര്‍പ്പെടുത്തിയ ഹരിയാന
സര്‍ക്കാര്‍ തീരുമാനം സുപ്രീംകോടതി ശരിവെച്ചു. ഇത് സംബന്ധിച്ച നിയമഭേദഗതി
തെരഞ്ഞെടുപ്പില്‍ മത്സരിക്കാനുള്ള പൗരന്‍മാരുടെ അവകാശം തടയുന്നതാണെന്ന്
ചൂണ്ടിക്കാട്ടി സമര്‍പ്പിച്ച ഹര്‍ജിയിലാണ് കോടതിയുടെ വിധി. 
നിരക്ഷരരെ
തെരഞ്ഞെടുപ്പില്‍ മത്സരിക്കുന്നതില്‍ നിന്ന് വിലക്കുന്നതില്‍
തെറ്റില്ലെന്ന് സുപ്രീം കോടതി വ്യക്തമാക്കി. ജനപ്രതിനിധികളാകുന്നവരുടെ
നിലവാരം ഉയര്‍ത്താനുള്ള നടപടികളുടെ ഭാഗമായിട്ടാണ് തിരഞ്ഞെടുപ്പുകളില്‍
നിരക്ഷരര്‍ സ്ഥാനാര്‍ത്ഥികളാകുന്നത് അവസാനിപ്പിക്കാന്‍ ഹരിയാന സര്‍ക്കാര്‍
തിരുമാനിച്ചത്. സ്ഥാനാര്‍ത്ഥികളുടെ വീട്ടില്‍ കക്കൂസ് നിര്‍ബന്ധമാക്കിയ
ഉത്തരവും സുപ്രീം കോടതി ശരിവച്ചു.
ഹരിയാന
സര്‍ക്കാരിന്റെ നിയമഭേദഗതി അനുസരിച്ച് ജനറല്‍ സീറ്റുകളില്‍
സ്ഥാനാര്‍ത്ഥികളാകാന്‍ പുരുഷന്മാര്‍ക്ക് പത്താം ക്ലാസും വനിതാ
സ്ഥാനാര്‍ത്ഥികള്‍ക്ക് എട്ടാം ക്ലാസും ദളിത് സ്ഥാനാര്‍ത്ഥികള്‍ അഞ്ചാം
ക്ലാസും പാസായിരിക്കണം. ഇതിനെതിരെ ആറ് വനിതാ സ്ഥാനാര്‍ത്ഥികള്‍
സമര്‍പ്പിച്ച ഹര്‍ജിയിലാണ് സുപ്രിംകോടതിയുടെ സുപ്രധാന തിരുമാനം.
ഉത്തരവ് കര്‍ശനമായി നടപ്പിലാക്കിയാല്‍ ഹരിയാനയിലെ ഗ്രാമീണ മേഖലകളിലെ 20
വയസിന് മുകളില്‍ പ്രായമുള്ള 67 ശതമാനം സ്ത്രീകള്‍ക്ക് തെരഞ്ഞെടുപ്പില്‍
മത്സരിക്കാനാകില്ലെന്നായിരുന്നു ഹര്‍ജ്ജിക്കാരുടെ പ്രധാനവാദം.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ