റിച്ചാർഡ്=പക്ഷിമനുഷ്യൻ
2015
ലണ്ടൻ:പക്ഷികളോട്
പണ്ടേ ഇഷ്ടമാണ്. ഒടുവിൽ ഇഷ്ടം കടുത്തപ്പോൾ ഒരാഗ്രഹം. തന്റെ രൂപവും
പക്ഷികളെപ്പോലെയാക്കിയാലോ?.അങ്ങനെ ശരീരംമുഴുവൻ ടാറ്റൂ പതിച്ചു. മുടിയും
താടിയുമൊക്കെ പക്ഷിത്തൂവലുപോലെയാക്കി. തീർന്നില്ല, ഏറ്റവുമൊടുവിൽ
സ്വന്തം ചെവികൾ തന്നെ മുറിച്ചുമാറ്റി. ബ്രിസ്റ്റോളുകാരനായ റിച്ചാർഡ്
എന്നയാളാണ് ഇൗ അതിരുകടന്ന പക്ഷിസ്നേഹക്കാരൻ. കക്ഷിയെ ഇപ്പോൾ കണ്ടാൽ ഒരു
പകുതിപക്ഷിയാണെന്നേ തോന്നൂ. ചെവികൾ മുറിച്ചുമാറ്റിയതല്ലാതെ നിരവധി
ശസ്ത്രക്രിയകൾക്കും അയാൾ വിധേയനായി.ഇടയ്ക്കുവച്ച് നാവും ചെറുതായി മുറിച്ചു.
പക്ഷിമനുഷ്യനെന്ന് അറിയപ്പെടുന്നതിൽ റിച്ചാർഡിന് ഇപ്പോൾ പെരുത്തിഷ്ടമാണ്.
കാര്യങ്ങളൊക്കെ കൊള്ളാം,പോക്ക് അത്രശരിയല്ല എന്ന് ഡോക്ടർമാർ
മുന്നറിയിപ്പുനൽകിയിട്ടുണ്ട്. ഇനിയും ശസ്ത്രക്രിയക്ക് വിധേയനാകുന്നത്
ആരോഗ്യപ്രശ്നങ്ങൾക്ക് ഇടയാക്കിയേക്കുമെന്നാണ് അവരുടെ മുന്നറിയിപ്പ്.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ