പിരിഞ്ഞ മാതാപിതാക്കൾക്ക് ആറുവയസുകാരി നൽകിയ ഉപദേശം
ഒട്ടാവ:
ചിലപ്പോൾ മുതിർന്നവരെ ജീവിതത്തിലെ വലിയ പാഠങ്ങൾ പഠിപ്പിക്കുന്നത്
കുട്ടികളായിരിക്കും. ആറ് വയസുകാരി ടിയാനയും അത് തന്നെയാണ് ചെയ്തത്.
വിവാഹമോചിതരായ തന്റെ മാതാപിതാക്കളെയാണ് ടിയാന പുതിയ പാഠങ്ങൾ പഠിപ്പിച്ചത്.വഴക്ക് മറന്ന് അച്ഛനുമായി കൂട്ടുകൂടണമെന്നാണ് മൂന്ന് മിനിറ്റ് ദൈർഖ്യമുള്ള വീഡിയോയിൽ കുഞ്ഞ് ടിയാന പറയുന്നത്. തനിക്ക് തന്റെ അച്ഛനേയും അമ്മയേയും സുഹൃത്തുക്കളായി വീണ്ടും കാണണമെന്നും എല്ലാവരും കൂട്ടാകണമെന്ന് മാത്രമാണ് തന്റെ ആഗ്രഹമെന്നും കുട്ടി വ്യക്തമാക്കുന്നു.
ടിയാനയുടെ അമ്മ ചെറിഷ് ഷെറിയാണ് വീഡിയോ പകർത്തി ഫേസ്ബുക്ക് അക്കൗണ്ടിൽ പോസ്റ്റ് ചെയ്തത്. കുഞ്ഞുവായിലെ വലിയ ഉപദേശം സോഷ്യൽ മീഡിയയിൽ വൈറലായി. മകളുടെ ഉപദേശത്തിന് അമ്മ നന്ദി പറഞ്ഞു. ടിയാന തന്നെ വലിയൊരു പാഠമാണ് പഠിപ്പിച്ചതെന്നും താൻ ചെയ്ത തെറ്റിൽ കുറ്റബോധം തോന്നുന്നുണ്ടെന്നും ഷെറി വ്യക്തമാക്കി.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ