mathrubhumi.com
ജി5: എല്‍ജിയുടെ മോഡുലര്‍ സ്മാര്‍ട്ട്‌ഫോണ്‍
പി എസ് രാകേഷ്
പല
കഷ്ണങ്ങളായി നിര്‍മിച്ചുകൊണ്ടുവന്ന് അവ കൂട്ടിയോജിപ്പിച്ചുണ്ടാക്കുന്ന
മോഡുലര്‍ കിച്ചനുകള്‍ എല്ലാവരും കണ്ടിട്ടുണ്ടാകും. അടുപ്പും പാത്രങ്ങള്‍
കഴുകുന്നതിനുളള സിങ്കും വാട്ടര്‍ടാപ്പും സാധനങ്ങള്‍ വെക്കാനുള്ള
അലമാരയുമൊക്കെ ഓരോ മൊഡ്യൂള്‍ ആയിട്ടാണ് വരുന്നത്. അതെല്ലാം കൂടി
കൂട്ടിയിണക്കുന്നതോടെ മോഡുലര്‍ കിച്ചന്‍ റെഡി.
ഇപ്പോഴിതാ മോഡുലര്‍ സ്മാര്‍ട്‌ഫോണുമായി കൊറിയന്‍ കമ്പനിയായ എല്‍ജി രംഗത്തുവന്നിരിക്കുന്നു. സ്‌പെയിനില്‍ മൊബൈല്‍ വേള്‍ഡ് കോണ്‍ഗ്രസില്‍ എല്‍ജി അവതരിപ്പിച്ച ജി5 ( LG G5 ) എന്ന സ്മാര്‍ട്‌ഫോണ്‍ മോഡുലര്‍ രീതിയില്‍ നിര്‍മിച്ചതാണ്.
ഫോണിലെ ബാറ്ററിയും ക്യാമറയും ഓഡിയോ സംവിധാനങ്ങളുമൊക്കെ ഇഷ്ടത്തിനനുസരിച്ച് മാറ്റാമെന്നതാണ് ജി5 ന്റെ സവിശേഷത.
പുതിയ പല സ്മാര്‍ട്‌ഫോണുകളുടെയും ബാറ്ററി ഊരിയെടുക്കാനാവാത്ത തരത്തിലുളളതാണ്. ഊരിയെടുക്കാവുന്ന ഫോണുകളില്‍ തന്നെ അതിനായി ബാക്ക് കവര്‍ അഴിക്കേണ്ടതുണ്ട്.
എന്നാല്‍ ജി5 േഫാണിന്റെ അടിവശത്തുള്ള ഒരു സ്വിച്ചമര്‍ത്തിയാല്‍ ബാറ്ററി തനിയെ പുറത്തേക്കുവരും. ചാര്‍ജ് തീരാറായെന്ന് കണ്ടാല്‍ ഉടന്‍ ബാറ്ററി ഊരി ഫുള്‍ ചാര്‍ജാക്കിയ സ്‌പെയര്‍ ബാറ്ററി ഫോണിലേക്ക് കയറ്റാനാകും എന്നതാണ് ഇതുകൊണ്ടുളള സൗകര്യം.
സ്മാര്‍ട്‌ഫോണിനെ പ്രൊഫഷനല്‍ ക്യാമറയാക്കി മാറ്റുന്നതിനുളള സംവിധാനവും ജി5 ലുണ്ട്. അതിനായി 'കാം പ്ലസ്' എന്നൊരു ക്യാമറ മൊഡ്യൂള്‍ എല്‍ജി നിര്‍മിച്ചിരിക്കുന്നു. ബാറ്ററി സ്‌ലോട്ടിലൂടെ കാം പ്ലസ് ഫോണില്‍ ഘടിപ്പിക്കാനാകും. അതോടെ പവര്‍, ഷട്ടര്‍, റെക്കോഡ്, സൂം ബട്ടനുകളും എല്‍ഇഡി ഫ് ളാഷുമൊക്കെയുളള ക്യാമറയായി ഫോണ്‍ മാറും.
1200 എംഎഎച്ച് ശേഷിയുളള പ്രത്യേക ബാറ്ററി കാം പ്ലസിലുള്ളതിനാല്‍ ഫോട്ടോയെടുത്ത് ഫോണിലെ ചാര്‍ജ് തീരുമെന്ന പേടിയും വേണ്ട. പടമെടുപ്പെല്ലാം കഴിഞ്ഞ് കാം പ്ലസ് ഊരി മാറ്റി ഫോണിന്റെ ബാറ്ററി ഇടുന്നതോടെ ജി5 വീണ്ടും ഫോണ്‍ മോഡിലേക്ക് മാറും.
എല്ലാ ഫോണുകളിലുമുള്ള എംപി 3 ഡിജിറ്റല്‍ പാട്ടുകള്‍ക്ക് പകരം അല്പം ഗുണമേറിയ അനലോഗ് രൂപത്തിലുള്ള സംഗീതം കേള്‍ക്കണമെന്നുണ്ടോ? ജി5യില്‍ അതിനുള്ള മൊഡ്യൂളുമുണ്ട്. അതിനായി ഹൈ-ഫൈ ഡി.എ.സി (ഡിജിറ്റല്‍ അനലോഗ് കണ്‍വെര്‍ട്ടര്‍) ഓഡിയോ പ്ലെയറും എല്‍ജി നിര്‍മിച്ചിരിക്കുന്നു.
ഈ പ്ലെയര്‍ ജി5ല്‍ ഘടിപ്പിച്ചാല്‍ പാട്ടുകള്‍ അതിന്റെ ശുദ്ധമായ രൂപത്തില്‍ കേള്‍ക്കാനാകും. ഹൈ-എന്‍ഡ് ഓഡിയോ ഡിവൈസുകളില്‍ മാത്രമുളള മികച്ച ശബ്ദാനുഭവം അങ്ങനെ സ്മാര്‍ട്‌ഫോണിലേക്ക് കൂടി പകരുകയാണ് എല്‍ജി.
ഇതുവരെ പറഞ്ഞതത്രയും എല്‍ജി ജി5ന്റെ മോഡുലര്‍ വിശേഷങ്ങള്‍. ഇനിയീ ഫോണിന്റെ സാധാരണ വിവരങ്ങള്‍ നോക്കാം.
2560X1440 പിക്‌സല്‍ റിസൊല്യൂഷനുള്ള 5.3 ഇഞ്ച് ക്വാഡ് എച്ച്ഡി ഡിസ്‌പ്ലേയാണ് ഫോണിലുള്ളത്. 'ഓള്‍വേസ് ഓണ്‍' സാങ്കേതികവിദ്യയോടു കൂടിയ സ്‌ക്രീനാണിത്. ഫോണ്‍ സ്റ്റാന്‍ഡ്‌ബൈ മോഡിലാണെങ്കിലും സ്‌ക്രീനിലെ നോട്ടിഫിക്കേഷനുകള്‍ വായിക്കാന്‍ സഹായിക്കുന്ന വിദ്യയാണിത്. ഒരുമണിക്കൂര്‍ 'ഓള്‍വേസ് ഓണാ'കാന്‍ ബാറ്ററിയുടെ 0.8 ശതമാനം ചാര്‍ജേ വേണ്ടിവരൂ എന്ന് എല്‍.ജി. പറയുന്നു.
ക്വാല്‍കോമിന്റെ സ്‌നാപ്ഡ്രാഗണ്‍ 820 പ്രൊസസര്‍, നാല് ജിബി റാം, 32 ജിബി ഇന്റേണല്‍ സ്‌റ്റോറേജ് എന്നിവയാണിതിന്റെ ഹാര്‍ഡ്‌വേര്‍ വിവരങ്ങള്‍. രണ്ട് ടെറാബൈറ്റ് വലിപ്പമുളള മൈക്രോ എസ്ഡി കാര്‍ഡുകള്‍ വരെ ഇതിലിട്ട് പ്രവര്‍ത്തിപ്പിക്കാം.
135 ഡിഗ്രി വൈഡ് ആംഗിള്‍ ലെന്‍സോടുകൂടിയ 16 മെഗാപിക്‌സല്‍ പിന്‍ക്യാമറയും എട്ട് മെഗാപിക്‌സലിന്റെ മുന്‍ക്യാമറയുമാണ് ഫോണിലുള്ളത്.
ആന്‍ഡ്രോയ്ഡ് 6.0 മാഷ്മലോ വെര്‍ഷനില്‍ പ്രവര്‍ത്തിക്കുന്ന ഫോണില്‍ 2800 എംഎഎച്ച് ബാറ്ററിയാണുളളത്. സ്വര്‍ണം, വെള്ളി, പിങ്ക്, ടൈറ്റാന്‍ നിറങ്ങളിലെത്തുന്ന ഫോണില്‍ യുഎസ്ബി ടൈപ്പ്-സി ചാര്‍ജിങ് പോര്‍ട്ടുമുണ്ട്.
മാര്‍ച്ച് രണ്ടാംവാരത്തോടെ എല്‍ജി ജി5 വില്പനയ്‌ക്കെത്തുമെന്നാണ് അറിയുന്നത്. 47,000 രൂപയ്ക്കടുത്തായിരിക്കും വില.
ഇപ്പോഴിതാ മോഡുലര്‍ സ്മാര്‍ട്‌ഫോണുമായി കൊറിയന്‍ കമ്പനിയായ എല്‍ജി രംഗത്തുവന്നിരിക്കുന്നു. സ്‌പെയിനില്‍ മൊബൈല്‍ വേള്‍ഡ് കോണ്‍ഗ്രസില്‍ എല്‍ജി അവതരിപ്പിച്ച ജി5 ( LG G5 ) എന്ന സ്മാര്‍ട്‌ഫോണ്‍ മോഡുലര്‍ രീതിയില്‍ നിര്‍മിച്ചതാണ്.
ഫോണിലെ ബാറ്ററിയും ക്യാമറയും ഓഡിയോ സംവിധാനങ്ങളുമൊക്കെ ഇഷ്ടത്തിനനുസരിച്ച് മാറ്റാമെന്നതാണ് ജി5 ന്റെ സവിശേഷത.
പുതിയ പല സ്മാര്‍ട്‌ഫോണുകളുടെയും ബാറ്ററി ഊരിയെടുക്കാനാവാത്ത തരത്തിലുളളതാണ്. ഊരിയെടുക്കാവുന്ന ഫോണുകളില്‍ തന്നെ അതിനായി ബാക്ക് കവര്‍ അഴിക്കേണ്ടതുണ്ട്.
എന്നാല്‍ ജി5 േഫാണിന്റെ അടിവശത്തുള്ള ഒരു സ്വിച്ചമര്‍ത്തിയാല്‍ ബാറ്ററി തനിയെ പുറത്തേക്കുവരും. ചാര്‍ജ് തീരാറായെന്ന് കണ്ടാല്‍ ഉടന്‍ ബാറ്ററി ഊരി ഫുള്‍ ചാര്‍ജാക്കിയ സ്‌പെയര്‍ ബാറ്ററി ഫോണിലേക്ക് കയറ്റാനാകും എന്നതാണ് ഇതുകൊണ്ടുളള സൗകര്യം.
സ്മാര്‍ട്‌ഫോണിനെ പ്രൊഫഷനല്‍ ക്യാമറയാക്കി മാറ്റുന്നതിനുളള സംവിധാനവും ജി5 ലുണ്ട്. അതിനായി 'കാം പ്ലസ്' എന്നൊരു ക്യാമറ മൊഡ്യൂള്‍ എല്‍ജി നിര്‍മിച്ചിരിക്കുന്നു. ബാറ്ററി സ്‌ലോട്ടിലൂടെ കാം പ്ലസ് ഫോണില്‍ ഘടിപ്പിക്കാനാകും. അതോടെ പവര്‍, ഷട്ടര്‍, റെക്കോഡ്, സൂം ബട്ടനുകളും എല്‍ഇഡി ഫ് ളാഷുമൊക്കെയുളള ക്യാമറയായി ഫോണ്‍ മാറും.
1200 എംഎഎച്ച് ശേഷിയുളള പ്രത്യേക ബാറ്ററി കാം പ്ലസിലുള്ളതിനാല്‍ ഫോട്ടോയെടുത്ത് ഫോണിലെ ചാര്‍ജ് തീരുമെന്ന പേടിയും വേണ്ട. പടമെടുപ്പെല്ലാം കഴിഞ്ഞ് കാം പ്ലസ് ഊരി മാറ്റി ഫോണിന്റെ ബാറ്ററി ഇടുന്നതോടെ ജി5 വീണ്ടും ഫോണ്‍ മോഡിലേക്ക് മാറും.
എല്ലാ ഫോണുകളിലുമുള്ള എംപി 3 ഡിജിറ്റല്‍ പാട്ടുകള്‍ക്ക് പകരം അല്പം ഗുണമേറിയ അനലോഗ് രൂപത്തിലുള്ള സംഗീതം കേള്‍ക്കണമെന്നുണ്ടോ? ജി5യില്‍ അതിനുള്ള മൊഡ്യൂളുമുണ്ട്. അതിനായി ഹൈ-ഫൈ ഡി.എ.സി (ഡിജിറ്റല്‍ അനലോഗ് കണ്‍വെര്‍ട്ടര്‍) ഓഡിയോ പ്ലെയറും എല്‍ജി നിര്‍മിച്ചിരിക്കുന്നു.
ഈ പ്ലെയര്‍ ജി5ല്‍ ഘടിപ്പിച്ചാല്‍ പാട്ടുകള്‍ അതിന്റെ ശുദ്ധമായ രൂപത്തില്‍ കേള്‍ക്കാനാകും. ഹൈ-എന്‍ഡ് ഓഡിയോ ഡിവൈസുകളില്‍ മാത്രമുളള മികച്ച ശബ്ദാനുഭവം അങ്ങനെ സ്മാര്‍ട്‌ഫോണിലേക്ക് കൂടി പകരുകയാണ് എല്‍ജി.
ഇതുവരെ പറഞ്ഞതത്രയും എല്‍ജി ജി5ന്റെ മോഡുലര്‍ വിശേഷങ്ങള്‍. ഇനിയീ ഫോണിന്റെ സാധാരണ വിവരങ്ങള്‍ നോക്കാം.
2560X1440 പിക്‌സല്‍ റിസൊല്യൂഷനുള്ള 5.3 ഇഞ്ച് ക്വാഡ് എച്ച്ഡി ഡിസ്‌പ്ലേയാണ് ഫോണിലുള്ളത്. 'ഓള്‍വേസ് ഓണ്‍' സാങ്കേതികവിദ്യയോടു കൂടിയ സ്‌ക്രീനാണിത്. ഫോണ്‍ സ്റ്റാന്‍ഡ്‌ബൈ മോഡിലാണെങ്കിലും സ്‌ക്രീനിലെ നോട്ടിഫിക്കേഷനുകള്‍ വായിക്കാന്‍ സഹായിക്കുന്ന വിദ്യയാണിത്. ഒരുമണിക്കൂര്‍ 'ഓള്‍വേസ് ഓണാ'കാന്‍ ബാറ്ററിയുടെ 0.8 ശതമാനം ചാര്‍ജേ വേണ്ടിവരൂ എന്ന് എല്‍.ജി. പറയുന്നു.
ക്വാല്‍കോമിന്റെ സ്‌നാപ്ഡ്രാഗണ്‍ 820 പ്രൊസസര്‍, നാല് ജിബി റാം, 32 ജിബി ഇന്റേണല്‍ സ്‌റ്റോറേജ് എന്നിവയാണിതിന്റെ ഹാര്‍ഡ്‌വേര്‍ വിവരങ്ങള്‍. രണ്ട് ടെറാബൈറ്റ് വലിപ്പമുളള മൈക്രോ എസ്ഡി കാര്‍ഡുകള്‍ വരെ ഇതിലിട്ട് പ്രവര്‍ത്തിപ്പിക്കാം.
135 ഡിഗ്രി വൈഡ് ആംഗിള്‍ ലെന്‍സോടുകൂടിയ 16 മെഗാപിക്‌സല്‍ പിന്‍ക്യാമറയും എട്ട് മെഗാപിക്‌സലിന്റെ മുന്‍ക്യാമറയുമാണ് ഫോണിലുള്ളത്.
ആന്‍ഡ്രോയ്ഡ് 6.0 മാഷ്മലോ വെര്‍ഷനില്‍ പ്രവര്‍ത്തിക്കുന്ന ഫോണില്‍ 2800 എംഎഎച്ച് ബാറ്ററിയാണുളളത്. സ്വര്‍ണം, വെള്ളി, പിങ്ക്, ടൈറ്റാന്‍ നിറങ്ങളിലെത്തുന്ന ഫോണില്‍ യുഎസ്ബി ടൈപ്പ്-സി ചാര്‍ജിങ് പോര്‍ട്ടുമുണ്ട്.
മാര്‍ച്ച് രണ്ടാംവാരത്തോടെ എല്‍ജി ജി5 വില്പനയ്‌ക്കെത്തുമെന്നാണ് അറിയുന്നത്. 47,000 രൂപയ്ക്കടുത്തായിരിക്കും വില.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ