ത്രിപുരയില്‍ ആറ് കോണ്‍ഗ്രസ് എംഎല്‍എമാര്‍ തൃണമൂലിലേക്ക്; രാജിക്കത്ത് നല്‍കി
സുധീപ് റോയ് ബര്‍മന്‍, ആശിശ് കുമാര്‍ സാഹ, ദിലീപ് സര്‍ക്കാര്‍, പരന്‍ജിത് സിംഗ് റോയ്, ദിബാ ചന്ദ്ര ഹര്‍ഗ്വാള്‍, ബിശ്വ ബന്ധു സെന്‍ എന്നിവരാണ് പാര്‍ട്ടി വിട്ടത്.
June 7, 2016, 07:49 PM ISTഅഗര്‍ത്തല: കോണ്‍ഗ്രസിലെ ആറ് എം.എല്‍.എ മാര്‍ പാര്‍ട്ടി വിട്ട് തൃണമൂല്‍ കോണ്‍ഗ്രസില്‍ ചേര്‍ന്നു. പാര്‍ട്ടി വിട്ട എംഎല്‍എമാര്‍ സ്പീക്കര്‍ രാമേന്ദ്രചന്ദ്ര ദേബ്‌നാധിന് രാജിക്കത്ത് കൈമാറി. എംഎല്‍എമാരുമായി ചര്‍ച്ച നടത്തുകയും കത്ത് സൂക്ഷമപരിശോധനക്ക് വിധേയമാക്കിയിട്ട് അന്തിമ തീരുമാനം അറിയിക്കുമെന്ന് സ്പീക്കര്‍ പറഞ്ഞു.
സുധീപ് റോയ് ബര്‍മന്‍, ആശിശ് കുമാര്‍ സാഹ, ദിലീപ് സര്‍ക്കാര്‍, പരന്‍ജിത് സിംഗ് റോയ്, ദിബാ ചന്ദ്ര ഹര്‍ഗ്വാള്‍, ബിശ്വ ബന്ധു സെന്‍ എന്നിവരാണ് പാര്‍ട്ടി വിട്ടത്. ഇവരില്‍ പരന്‍ജിത് സിങിന്റെയും ദിലീപ് സര്‍ക്കാരിന്റെയും അസാന്നിദ്ധ്യത്തിലായിരുന്നു സ്പീക്കര്‍ക്ക് കൈമാറിയത്.
സ്പീക്കര്‍ രാജി സ്വീകരിച്ചാല്‍ 60 അംഗ ത്രിപുര നിയമസഭയില്‍ കോണ്‍ഗ്രസിന്റെ അംഗബലം മൂന്നായി ചുരുങ്ങും. തൃണമൂലിന് നിലവില്‍ അംഗങ്ങളൊന്നും ഉണ്ടായിരുന്നില്ല. ഭരണകക്ഷിയായ സിപിഎമ്മിന് 50 അംഗങ്ങളുള്ള ത്രിപുര നിയമസഭയില്‍ ആറംഗങ്ങളെ ലഭിച്ചാല്‍ തൃണമൂല്‍ മുഖ്യപ്രതിപക്ഷമാകും.
എംഎല്‍എമാര്‍ സ്പീക്കര്‍ക്ക് കൈമാറിയ രാജിക്കത്ത്
© Copyright Mathrubhumi 2016. All rights reserved.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ