നോൺ ഗസറ്റഡ് ജോലികൾക്ക് അഭിമുഖ പരീക്ഷ ഒഴിവാക്കുമെന്ന് പ്രധാനമന്ത്രി
Sunday 25th of October 2015 05:58:40 PM
ന്യൂഡൽഹി : അഴിമതി
രഹിത നിയമനം സാദ്ധ്യമാക്കാൻ നോൺ ഗസറ്റഡ് ജോലികൾക്ക് അഭിമുഖ പരീക്ഷ
ഒഴിവാക്കുമെന്ന് പ്രധാനമന്ത്രി നരേന്ദ്രമോദി . ആകാശവാണിയിലൂടെ രാഷ്ട്രത്തെ
അഭിസംബോധന ചെയ്യുന്ന മൻ കി ബാത്ത് പരിപാടിയിലാണ് പ്രധാനമന്ത്രി ഇക്കാര്യം
അറിയിച്ചത് .
2016 ജനുവരി 1 മുതൽ നിയമം
പ്രാബല്യത്തിൽ വരും . അഭിമുഖ പരീക്ഷയുമായി ബന്ധപ്പെട്ട് പാവങ്ങളെ
കെണിയിലാക്കുന്ന ഇടനിലക്കാരെ ഒഴിവാക്കുന്നതിനാണ് നിയമം നടപ്പിൽ
വരുത്തുന്നതെന്ന് പ്രധാനമന്ത്രി പറഞ്ഞു . സാധാരണക്കാരെ ഇത്തരം ഇടനിലക്കാർ
കൊള്ളയടിക്കുന്നത് പൂർണമായും ഒഴിവാക്കപ്പെടണമെന്നും അദ്ദേഹം
അഭിപ്രായപ്പെട്ടു.
അഭിമുഖ പരീക്ഷ ഒഴിവാക്കാൻ
കഴിയുന്ന തസ്തികകളെക്കുറിച്ചുള്ള വിവരങ്ങൾ നൽകാൻ ആവശ്യപ്പെട്ട് പേഴ്സണൽ
മന്ത്രാലയം നേരത്തെ സംസ്ഥാനങ്ങൾക്ക് കത്തയച്ചിരുന്നു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ