കരിനെല്ലിക്ക = ആയുർവേദ മരുന്നിന് തുല്യം.
നെല്ലിക്ക,പച്ചക്കുരുമുളക്,
ഇഞ്ചി, വെളുത്തുള്ളി, കാന്താരിമുളക്, കരിവേപ്പില, മഞ്ഞൾപ്പൊടി, ഉപ്പ്....
അടുക്കടുക്കായി ഇവ മൺകലത്തിൽ നികക്കെ വെള്ളം ചേർത്ത് കവുങ്ങിൻ പാളയുടെ
പുറത്തെ കട്ടിയുള്ള ഭാഗം പൊളിച്ചു കളഞ്ഞ് പാടകൊണ്ട് അടച്ചു കെട്ടി
വിറകടുപ്പിൽ വച്ച് വേവിക്കുക. രണ്ടാം ദിവസം മുതൽ സാധാരണ പാചകം കഴിഞ്ഞ്
അടുപ്പ് കാലിയാവുമ്പോൾ ആ കനലിന്റെ പുറത്ത് കലം എടുത്തു വയ്ക്കുക. തവി
കൊണ്ട് ഇളക്കാതെ കലം അങ്ങനെ തന്നെ എടുത്ത് കുലുക്കി ഇളക്കണം. ഒരാഴ്ച ഇങ്ങനെ
തുടരുക. എന്നിട്ട് കലത്തിന്റെ കെട്ടഴിച്ചു നോക്കൂ... ഇതാണ് കരിനെല്ലിക്ക.
ഇരുമ്പു ചീനച്ചട്ടിയിൽ കടുക് വറുത്ത് കുറച്ച് കായം പൊടിച്ചതും ഉലുവ
പൊടിച്ചതും ചേർത്ത് ഈ കരിനെല്ലിക്ക അതിലേയ്ക്കിട്ട് ഇളക്കി, ചൂടാറുമ്പോൾ
കുപ്പിയിലാക്കി വച്ചിട്ട് ചോറുണ്ണുമ്പോൾ തൊട്ടുകൂട്ടാനായി കൂട്ടിക്കോളൂ...
ഏതാണ്ട് ഒരു ആയുർവേദ മരുന്നിന്റെ പ്രൗഢിയുള്ള അച്ചാറാണ്...
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ