സംസാരഭാഷ സംസ്‌കൃതമാക്കി 450 കുടുംബം
മാത്രുഭുമി 6.9.2015.
ഇത് ഭാഷാപ്രചാരണത്തിന്റെ വേറിട്ട മാതൃക
കോട്ടയം: രാവിലെ അച്ഛനമ്മമാരെ വന്ദിക്കുന്നത് 'സുപ്രഭാതം' ചൊല്ലി. ഫോണ്‍സംഭാഷണം തുടങ്ങുന്നതും സംസ്‌കൃതത്തില്‍ അഭിവാദ്യംചെയ്ത്. അമ്മയോട് കുടിക്കാന്‍ വെള്ളം ചോദിക്കുന്നതും സംസ്‌കൃതത്തില്‍'അംബേ, കിഞ്ചിത് ജലം ദദാതു'.ഇങ്ങനെ സംസ്‌കൃതം സംസാരഭാഷയാക്കിയ 450 കുടുംബം സംസ്ഥാനത്തുണ്ട്. നിത്യവ്യവഹാരത്തിന് സംസ്‌കൃതം ഉപയോഗിക്കുന്നവരാണിവര്‍. കൂടാതെ, പറയാനറിയുകയോ കേട്ടാല്‍ മനസ്സിലാകുകയോ ചെയ്യുന്ന അംഗങ്ങളുള്ള വീടുകളുമുണ്ട്.
കൊടുങ്ങല്ലൂര്‍ കേന്ദ്രമാക്കിയാണ് വിശ്വസംസ്‌കൃത പ്രതിഷ്ഠാനം പ്രവര്‍ത്തിക്കുന്നത്. സംസ്‌കൃതഭാരതി ജനറല്‍ സെക്രട്ടറി പി.നന്ദകുമാര്‍, പ്രതിഷ്ഠാനം സെക്രട്ടറി എന്‍.സുരേഷ്, ഓഫീസ് സെക്രട്ടറി പി.ആര്‍.ശശികുമാര്‍, എന്‍.ബി.ഉണ്ണിക്കൃഷ്ണന്‍, കോ.രണജിത്, രാജേഷ്, വിനോദ്, സുബീഷ്, മുരളീകൃഷ്ണന്‍ എന്നിവരുടെ നേതൃത്വത്തിലാണ് സംസ്ഥാനത്തിനകത്തും പുറത്തും സംസ്‌കൃതപഠനം ഏകോപിപ്പിക്കുന്നത്.ഇവര്‍ക്കൊപ്പം ഭാഷാധ്യാപകരും വിദ്യാര്‍ഥികളും താത്പര്യമുള്ളവരും ഉണ്ട്. നന്ദകുമാറും രണജിതും മാത്രമാണ് കുടുംബസ്ഥര്‍.
സംസ്‌കൃതം പ്രചരിപ്പിക്കുന്നവര്‍ക്കുള്ള യാത്രച്ചെലവ്, ആഹാരം, വസ്ത്രം, ഫോണ്‍ ഇവയെല്ലാം വിശ്വസംസ്‌കൃതപ്രതിഷ്ഠാനം ആണ് നല്‍കുന്നത്.
ശിബിരങ്ങള്‍ക്കുശേഷം ലഭിക്കുന്ന ആചാര്യദക്ഷിണയാണ് പ്രതിഷ്ഠാനത്തിന്റെ വരുമാനം. സംസ്‌കൃതസംഭാഷണ ശിബിരങ്ങള്‍ക്കു പുറമെ നിരവധി പരിപാടികളും സംഘടിപ്പിക്കുന്നുണ്ട്.'ഗൃഹം ഗൃഹം സംസ്‌കൃത'മാണ് ഒടുവില്‍ നടത്തിയത്. ഭാഷയുടെ പ്രാധാന്യം ജനങ്ങളിലെത്തിക്കുകയായിരുന്നു ലക്ഷ്യം. 97,000 വീട് സന്ദര്‍ശിച്ചു. ദശദിന സംസ്‌കൃതസംഭാഷണ ശിബിരം, തപാല്‍ കോഴ്‌സുകള്‍, ഗീതാപഠനം തുടങ്ങിയവയും വിശ്വസംസ്‌കൃതപ്രതിഷ്ഠാനം സംഘടിപ്പിക്കുന്നുണ്ട്.
തപാല്‍വഴി സംസ്‌കൃതം എന്ന പാഠ്യപദ്ധതിക്ക് പ്രവേശ, പരിചയ, ശിക്ഷ, കോവിദ എന്നിങ്ങനെ നാലുഘട്ടമാണുള്ളത്. പുസ്തകങ്ങളും കേട്ടുപഠിക്കാന്‍ സഹായിക്കുന്ന സി.ഡി.യും ലഭിക്കും. അധ്യാപകര്‍ക്കായി പ്രശിക്ഷണശിബിരവും വിശ്വസംസ്‌കൃത പ്രതിഷ്ഠാനത്തിേന്റതായുണ്ട്.
നാലാംക്ലൂസ് മുതലുള്ള കുട്ടികള്‍ക്കായി നാലുഘട്ടമുള്ള സരളസംസ്‌കൃത പരീക്ഷയുണ്ട്.
വര്‍ഷംതോറും പഠിതാക്കളുടെ എണ്ണം കൂടിവരുന്നതായി പ്രതിഷ്ഠാനം സെക്രട്ടറി എന്‍.സുരേഷ് പറഞ്ഞു. കോഴിക്കോട് ജില്ലയിലാണ് കൂടുതല്‍ ശിബിരങ്ങള്‍ നടത്തുന്നത്.
മാത്രുഭുമി 6.9.2015.
ഇത് ഭാഷാപ്രചാരണത്തിന്റെ വേറിട്ട മാതൃക
കോട്ടയം: രാവിലെ അച്ഛനമ്മമാരെ വന്ദിക്കുന്നത് 'സുപ്രഭാതം' ചൊല്ലി. ഫോണ്‍സംഭാഷണം തുടങ്ങുന്നതും സംസ്‌കൃതത്തില്‍ അഭിവാദ്യംചെയ്ത്. അമ്മയോട് കുടിക്കാന്‍ വെള്ളം ചോദിക്കുന്നതും സംസ്‌കൃതത്തില്‍'അംബേ, കിഞ്ചിത് ജലം ദദാതു'.ഇങ്ങനെ സംസ്‌കൃതം സംസാരഭാഷയാക്കിയ 450 കുടുംബം സംസ്ഥാനത്തുണ്ട്. നിത്യവ്യവഹാരത്തിന് സംസ്‌കൃതം ഉപയോഗിക്കുന്നവരാണിവര്‍. കൂടാതെ, പറയാനറിയുകയോ കേട്ടാല്‍ മനസ്സിലാകുകയോ ചെയ്യുന്ന അംഗങ്ങളുള്ള വീടുകളുമുണ്ട്.
കൊടുങ്ങല്ലൂര്‍ കേന്ദ്രമാക്കിയാണ് വിശ്വസംസ്‌കൃത പ്രതിഷ്ഠാനം പ്രവര്‍ത്തിക്കുന്നത്. സംസ്‌കൃതഭാരതി ജനറല്‍ സെക്രട്ടറി പി.നന്ദകുമാര്‍, പ്രതിഷ്ഠാനം സെക്രട്ടറി എന്‍.സുരേഷ്, ഓഫീസ് സെക്രട്ടറി പി.ആര്‍.ശശികുമാര്‍, എന്‍.ബി.ഉണ്ണിക്കൃഷ്ണന്‍, കോ.രണജിത്, രാജേഷ്, വിനോദ്, സുബീഷ്, മുരളീകൃഷ്ണന്‍ എന്നിവരുടെ നേതൃത്വത്തിലാണ് സംസ്ഥാനത്തിനകത്തും പുറത്തും സംസ്‌കൃതപഠനം ഏകോപിപ്പിക്കുന്നത്.ഇവര്‍ക്കൊപ്പം ഭാഷാധ്യാപകരും വിദ്യാര്‍ഥികളും താത്പര്യമുള്ളവരും ഉണ്ട്. നന്ദകുമാറും രണജിതും മാത്രമാണ് കുടുംബസ്ഥര്‍.
സംസ്‌കൃതം പ്രചരിപ്പിക്കുന്നവര്‍ക്കുള്ള യാത്രച്ചെലവ്, ആഹാരം, വസ്ത്രം, ഫോണ്‍ ഇവയെല്ലാം വിശ്വസംസ്‌കൃതപ്രതിഷ്ഠാനം ആണ് നല്‍കുന്നത്.
ശിബിരങ്ങള്‍ക്കുശേഷം ലഭിക്കുന്ന ആചാര്യദക്ഷിണയാണ് പ്രതിഷ്ഠാനത്തിന്റെ വരുമാനം. സംസ്‌കൃതസംഭാഷണ ശിബിരങ്ങള്‍ക്കു പുറമെ നിരവധി പരിപാടികളും സംഘടിപ്പിക്കുന്നുണ്ട്.'ഗൃഹം ഗൃഹം സംസ്‌കൃത'മാണ് ഒടുവില്‍ നടത്തിയത്. ഭാഷയുടെ പ്രാധാന്യം ജനങ്ങളിലെത്തിക്കുകയായിരുന്നു ലക്ഷ്യം. 97,000 വീട് സന്ദര്‍ശിച്ചു. ദശദിന സംസ്‌കൃതസംഭാഷണ ശിബിരം, തപാല്‍ കോഴ്‌സുകള്‍, ഗീതാപഠനം തുടങ്ങിയവയും വിശ്വസംസ്‌കൃതപ്രതിഷ്ഠാനം സംഘടിപ്പിക്കുന്നുണ്ട്.
തപാല്‍വഴി സംസ്‌കൃതം എന്ന പാഠ്യപദ്ധതിക്ക് പ്രവേശ, പരിചയ, ശിക്ഷ, കോവിദ എന്നിങ്ങനെ നാലുഘട്ടമാണുള്ളത്. പുസ്തകങ്ങളും കേട്ടുപഠിക്കാന്‍ സഹായിക്കുന്ന സി.ഡി.യും ലഭിക്കും. അധ്യാപകര്‍ക്കായി പ്രശിക്ഷണശിബിരവും വിശ്വസംസ്‌കൃത പ്രതിഷ്ഠാനത്തിേന്റതായുണ്ട്.
നാലാംക്ലൂസ് മുതലുള്ള കുട്ടികള്‍ക്കായി നാലുഘട്ടമുള്ള സരളസംസ്‌കൃത പരീക്ഷയുണ്ട്.
വര്‍ഷംതോറും പഠിതാക്കളുടെ എണ്ണം കൂടിവരുന്നതായി പ്രതിഷ്ഠാനം സെക്രട്ടറി എന്‍.സുരേഷ് പറഞ്ഞു. കോഴിക്കോട് ജില്ലയിലാണ് കൂടുതല്‍ ശിബിരങ്ങള്‍ നടത്തുന്നത്.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ