എഫ്.ഐ.ആറില്‍ പേരില്ലെങ്കിലും പ്രതി ചേര്‍ക്കാം: സുപ്രീം കോടതിട ട ട+
ന്യൂഡല്‍ഹി: അന്വേഷണ ഏജന്‍സികള്‍ തയ്യാറാക്കുന്ന പ്രഥമ വിവര റിപ്പോര്‍ട്ടില്‍ പേരില്ലെങ്കിലും വിചരണ വേളയില്‍ തെളിവു ലഭിച്ചാല്‍ ഒരാളെ കേസില്‍ പ്രതി ചേര്‍ക്കുന്നതില്‍ തടസ്സമില്ലെന്ന് സുപ്രീം കോടതി വിധിച്ചു. ചീഫ് ജസ്റ്റിസ് പി. സദാശിവം അധ്യക്ഷനായ അഞ്ചംഗ ഭരണഘടനാ ബഞ്ചാണ് സുപ്രധാനമായ ഈ വിധി പുറപ്പെടുവിച്ചത്.
ഇത്തരത്തില്‍ ഒരാളെ വിളിച്ചുവരുത്താനും പ്രതിചേര്‍ക്കാനും വിചാരണക്കോടതിക്ക് അധികാരമുണ്ടെന്നും ബഞ്ച് വിധിച്ചു. ക്രിമിനല്‍ നടപടിച്ചട്ടത്തിലെ 319 ാം വകുപ്പാണ് വിചാരണ കോടതിക്ക് ഇതിനുള്ള അധികാരം നല്‍കുന്നത്ബഞ്ച് ചൂണ്ടിക്കാട്ടി.
2 ജി കേസ് അടക്കമുള്ള സുപ്രധാനമായ പല കേസുകളിലും വലിയ പ്രത്യാഘാതം ഉണ്ടാക്കിയേക്കാവുന്നൊരു വിധിയായാണ് ഇത് വിലയിരുത്തപ്പെടുന്നത്. സി.ബി.ഐ. തയ്യാറാക്കിയ എഫ്.ഐ.ആറില്‍ പേരു പരാമര്‍ശിക്കാതെ നിരവധി കമ്പനികളെയും വ്യക്തികളെയും വിചാരണ കോടതി വിളിച്ചുവരുത്തിയിരുന്നു. ഇത്തരത്തില്‍ പ്രതി ചേര്‍ക്കപ്പെട്ട ഒരു വ്യവസായി വിചാരണ കോടതിയുടെ നടപടിയെ ചോദ്യം ചെയ്ത് സമര്‍പ്പിച്ച ഹര്‍ജിയിലാണ് സുപ്രീംകോടതിയുടെ സുപ്രധാനമായ വിധി.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ