മല്സ്യത്തൊഴിലാളികള്ക്ക് പാസ്പോര്ട്ട് നിര്ബന്ധമാക്കി
സ്വന്തം ലേഖകന്
മനോരമ 27.3.2015.
ന്യൂഡല്ഹി. സമുദ്രാതിര്ത്തിയില് മീന്പിടിക്കാന് പോകുന്ന തൊഴിലാളികള്ക്ക് പാസ്പോര്ട്ട് നിര്ബന്ധമാക്കി. തൊഴിലാളികള് തിരിച്ചറിയല് കാര്ഡ് മാത്രം കൈവശം വച്ചാല് മതിയെന്ന ഇളവ് കേന്ദ്രസര്ക്കാര് റദ്ദാക്കി. ജൂണ് ഒന്നു മുതല് പുതിയ നിബന്ധന പ്രാബല്യത്തില് വരും.
സമുദ്രാതിര്ത്തി ലംഘിക്കുന്ന മീന്പിടിത്തക്കാരെ ശ്രീലങ്കയും പാക്കിസ്ഥാനുമുള്പ്പെടെയുള്ള അയല് രാജ്യങ്ങള് പിടികൂടുകയും തടവിലാക്കുകയും ചെയ്യുന്ന സംഭവങ്ങള് ഏറിവരുന്ന സാഹചര്യത്തിലാണ് വിദേശകാര്യമന്ത്രാലയം പുതിയ നിബന്ധനകള് കൊണ്ടുവരുന്നത്. ഇന്ത്യയില് റജിസ്റ്റര് ചെയ്ത ബോട്ടുകളില് സഞ്ചരിക്കുന്നവര്ക്ക് തിരിച്ചറിയല് കാര്ഡ് മാത്രം മതിയെന്ന 1968ലെ വിജ്ഞാപനം സര്ക്കാര് റദ്ദാക്കി. ഇതോടെ സമുദ്രാതിര്ത്തികളില് മീന്പിടിക്കാന് പോകുന്ന ബോട്ടുകളിലുള്ളവര് പാസ്പോര്ട്ട് കൂടി കൈവശം വയ്ക്കേണ്ടിവരും. ഇന്ത്യന് സമുദ്രാതിര്ത്തിക്കു പുറത്തുപോകുന്ന മറ്റു നാവികര്ക്കും പാസ്പോര്ട്ട് നിര്ബന്ധമാക്കും.
പാസ്പോര്ട്ട് എടുക്കാനുള്ള സാവകാശം കണക്കിലെടുത്താണ് പുതിയ നിബന്ധനകള് ജൂണ് ഒന്നു മുതല് നടപ്പാക്കിയാല് മതിയെന്ന് കേന്ദ്രസര്ക്കാര് തീരുമാനിച്ചത്. അപേക്ഷകര്ക്ക് ആവശ്യമായ സഹായം നല്കാനും എത്രയും വേഗം പാസ്പോര്ട്ട് ലഭ്യമാക്കാനും നടപടിയെടുക്കണമെന്ന് വിദേശകാര്യമന്ത്രാലയം പാസ്പോര്ട്ട് വിതരണ ഏജന്സികള്ക്കു നിര്ദേശം നല്കി. ശ്രീലങ്കന് പ്രസിഡന്റ് മൈത്രിപാല സിരിസേനയുമായി
