സ്വന്തം പണം: കേറി കിടന്നാൽ പാർട്ടിക്കെന്ത് ചേതം? 19/10/2013
10/19/2013
10/18/2013
കറിക്കരിയുമ്പോള് പേറ്റുനോവ്; ബിജിക്ക് വീട്ടില് സുഖപ്രസവം
കറിക്കരിയുമ്പോള് പേറ്റുനോവ്; ബിജിക്ക് വീട്ടില് സുഖപ്രസവംസെലിം മാതൃഭുമി 18/10/2013
കോട്ടയം: പ്രകൃതിയോട് അലിഞ്ഞുചേര്ന്ന ജീവിതത്തിന് പ്രസവവും ഒരു സ്വാഭാവിക പ്രക്രിയയാണ്. പേറ്റുനോവിനുമുമ്പേ ലേബര് റൂമിലേക്ക് എത്തുന്ന തലമുറയ്ക്ക് ഒരുപക്ഷേ, വിശ്വസിക്കാനേ പറ്റില്ലായിരിക്കും. പക്ഷേ, ബിജിയെന്ന എന്ജിനിയറിങ് ഡിപ്ലോമക്കാരിക്ക് പ്രസവം പ്രകൃതിജന്യമായ ഒരു ശാരീരികാവസ്ഥയാണ്. നാലാമത്തെ കുഞ്ഞിന് ബിജി ജന്മം നല്കിയത് തന്റെ വീടിന്റെ സുരക്ഷയിലാണ്; ഒരു വയറ്റാട്ടിയുടെ സഹായംപോലും ഇല്ലാതെ. കൂട്ടുകാരി മാത്രമായിരുന്നു ഒപ്പം. ഭര്ത്താവും പ്രകൃതികൃഷിയുടെ പ്രചാരകനുമായ ഹിലാല് അപ്പോള് യാത്രയിലായിരുന്നു.
'കഴിഞ്ഞ 13ന് ഉച്ചയ്ക്ക് ചോറിന് അവിയല് കൂട്ടാനുണ്ടാക്കാന്വേണ്ടി കറിക്കരിഞ്ഞുകൊണ്ടിരുന്നപ്പോഴാ എനിക്ക് നോവ് തുടങ്ങീത്. അപ്പോള്ത്തന്നെ അടുത്തുള്ള ഒരു കൂട്ടുകാരിയെ വിളിച്ചു. ഇരുപത് മിനുട്ടുകൊണ്ട് പ്രസവം നടന്നു...' ബിജി പറഞ്ഞു.
'ഞാന് യാത്രയിലായിരുന്നു. അവളുടെ പരിചയത്തില്പ്പെട്ട ഒരു പെണ്കുട്ടി മാത്രമേ സഹായത്തിനായുണ്ടായിരുന്നുള്ളൂ... അല്ലെങ്കില്ത്തന്നെ പ്രസവിക്കുക എന്ന പ്രകൃതിജന്യമായ ശാരീരികാവസ്ഥയെ എന്തിനാണ് പേടിക്കുന്നത്? ' ഹിലാല് ചോദിക്കുന്നു.
അങ്ങനെ നോനുവിനും നൈനയ്ക്കും നൈസയ്ക്കും പിന്ഗാമിയായി ഒരാണ്കുഞ്ഞുകൂടി ഹിലാല്ബിജി ദമ്പതിമാര്ക്ക്. ഗര്ഭിണിയായപ്പോള് അത് ഉറപ്പാക്കാന് ആസ്പത്രിയില് പോയില്ല, സ്കാന് ചെയ്തില്ല, മരുന്ന് കഴിച്ചില്ല, വിശ്രമമെടുത്തില്ല. പേറ്റുനോവ് ഉണ്ടായപ്പോള് വേദനയൊഴിവാക്കാന് സിസേറിയനെപ്പറ്റി ചിന്തിച്ചില്ല. ഡ്രിപ്പിടാന് ഒരാസ്പത്രിയെയും സമീപിച്ചില്ല.
'പ്രസവം പേടിക്കേണ്ട ഒന്നല്ല. ആള്ക്കാര് പറഞ്ഞുപേടിപ്പിക്കുകയാണ്. വീട്ടുജോലികള് ചെയ്യുക, കൃഷിപ്പണികള് ചെയ്യുക, നന്നായി ഉറങ്ങുക, പഴങ്ങളും പച്ചക്കറികളും കൂടുതലായി കഴിക്കുക...'
ഹിലാലിന്റെ അഭിപ്രായങ്ങള്തന്നെയാണ് ഭാര്യ ബിജിക്കുമുള്ളത്. പ്രസവദിവസം കരിക്കിന്വെള്ളം മാത്രം കുടിക്കുക. കടയില്നിന്ന് വാങ്ങുന്ന 'വിഷം ചേര്ത്ത' പഴങ്ങളെ മാത്രം ആശ്രയിക്കാതെ ഓരോ കാലത്തും നമ്മുടെ തൊടിയില് കിട്ടുന്ന വാഴപ്പഴമോ ചക്കപ്പഴമോ മാമ്പഴമോ കഴിക്കുക. ഗര്ഭിണിയായിക്കഴിഞ്ഞശേഷം 'നോണ്വെജ്' ആവരുത്. പശുവിന്പാലും ഒഴിവാക്കണം.
'പശുവിന്പാല് മനുഷ്യശരീരത്തില് ദഹിക്കില്ല... എന്റെ കുഞ്ഞുങ്ങള്ക്കൊരാള്ക്കും കൊടുത്തിട്ടുമില്ല...' ഹിലാല് പറഞ്ഞു.
ഇവരുടെ മറ്റു കുഞ്ഞുങ്ങള് ജനിച്ചത് ആസ്പത്രിയില്വച്ചാണെങ്കിലും മരുന്നോ ഡ്രിപ്പോ പോലും ബിജി സ്വീകരിച്ചില്ല. എല്ലാം സ്വാഭാവിക പ്രസവത്തിലൂടെയായിരുന്നു. ഹിലാല് ആരാണെന്നറിയേണ്ടേ...? എറണാകുളത്ത് 'ലെമണ് ഗ്രാഫിക്സ്' എന്ന ഗ്രാഫിക്സ് ഡിസൈനിങ് സ്ഥാപനം തുടങ്ങി, ഒടുവില് കമ്പ്യൂട്ടറുകള് 'ഷട്ട്ഡൗണ്' ചെയ്ത് പാടത്തിറങ്ങി പ്രകൃതികൃഷിരീതിയുടെ പ്രചാരകനായി മാറിയ ആലപ്പുഴക്കാരന്.
മാത്രമല്ല, കോട്ടയത്ത് പഠിക്കാനെത്തിയപ്പോള് എസ്.എഫ്.ഐ.യുടെ ജില്ലാ പ്രസിഡന്റായും പ്രവര്ത്തിച്ചിട്ടുണ്ട്. മക്കളെ ആരെയും നിലവിലുള്ള സ്കൂള് പഠനരീതിക്ക് വിട്ടിട്ടില്ല.
'ഒരു സ്കൂളിലും എന്റെ മക്കള് പഠിച്ചിട്ടില്ല. ഇനി പഠിക്കുകയുമില്ല. അവര് പ്രകൃതിയില്നിന്ന് തനിയെ അറിഞ്ഞ് ജീവിക്കാന് പഠിക്കുന്നു. ഒരസുഖത്തിനും അവര്ക്കിതുവരെ മരുന്നും വാങ്ങിച്ചിട്ടില്ല. വാക്സിനേഷനും നല്കിയിട്ടില്ല.'
പ്രകൃതിയോടുള്ള ഈ അടുപ്പംമൂലം സാക്ഷാല് മമ്മൂട്ടിപോലും തന്റെ കുമരകം ചീര്പ്പുങ്കലിലെ 17 ഏക്കറില് പ്രകൃതികൃഷിക്കായി കണ്ടെത്തിയതും ഹിലാലിനെത്തന്നെ. കുഞ്ഞുണ്ടായതിന്റെ ഔദ്യോഗികരേഖകള് ശരിയാക്കാന് അയര്ക്കുന്നം പഞ്ചായത്തില് ഭാര്യയെയും കുട്ടികളെയും കൂട്ടി അടുത്ത ദിവസംതന്നെ പോകുമെന്നും ഹിലാല് പറഞ്ഞു.
ലൈഫൈ ഇന്റര്നെറ്റ് കണക്ടിവിറ്റിക്ക് എല്ഇഡി വിദ്യ
ലൈഫൈ ഇന്റര്നെറ്റ് കണക്ടിവിറ്റിക്ക് എല്ഇഡി വിദ്യ
മാതൃഭുമി 18/10/2013
ഇന്ര്നെറ്റ് കണക്ടിവിറ്റിക്ക് വൈഫൈയ്ക്ക് പകരം ചെലവുകുറഞ്ഞ പുതിയൊരു വിദ്യ ചൈനീസ് ഗവേഷകര് വികസിപ്പിച്ചതായി റിപ്പോര്ട്ട്. പരമ്പരാഗത റേഡിയോ ഫ്രീക്വന്സിക്ക് പകരം ബള്ബുകളിലെ പ്രകാശമുപയോഗിച്ച് കണക്ടിവിറ്റി സാധ്യമാക്കുന്ന നൂതനമാര്ഗമാണത്.
ഒരു വാട്ട് എല്ഇഡി ബള്ബുപയോഗിച്ച് നാല് കമ്പ്യൂട്ടറുകളെ ഇന്റര്നെറ്റുമായി ബന്ധിപ്പിക്കാന് തങ്ങള്ക്ക് കഴിഞ്ഞതായി, ഷാങ്ഹായിയില് ഫ്യൂഡന് സര്വകലാശാലയിലെ ഇന്ഫര്മേഷന് ടെക്നോളജി പ്രൊഫസര് ചി നാന് അറിയിച്ചു.
വൈഫൈ പോലുള്ള പരമ്പരാഗത സാങ്കേതികവിദ്യക്ക് പകരമുള്ള സംഭവമാകയാല് അതിന് 'ലൈഫൈ' ( ഗയഎയ ) എന്നാണ് പേരിട്ടിരിക്കുന്നത്. ചൈനീസ് അക്കാദമി ഓഫ് സയന്സസിലെ ഷാങ്ഹായി ഇന്സ്റ്റിട്ട്യൂട്ട് ഓഫ് ടെക്നിക്കല് ഫിസിക്സിലെ ഗവേഷകരും ഈ മുന്നേറ്റത്തില് പങ്കാളിയായി.
മൈക്രോചിപ്പ് പതിപ്പിച്ച എല്ഇഡി ബള്ബുകള്ക്ക് സെക്കന്ഡില് 150 മെഗാബൈറ്റ്സ് ഡേറ്റ വീതം വിനിമയം ചെയ്യാന് കഴിവുണ്ടെന്ന് ഗവേഷകര് പറയുന്നു. ഇത് ചൈനയിലെ ശരാശരി ബ്രോഡ്ബാന്ഡിന്റെ ഡേറ്റാവിനിമയ ശേഷിയെക്കാള് കൂടുതലാണ് ചി പറഞ്ഞു.
വൈഫൈ പോലെ നെറ്റ്വര്ക്കിങിനും, മൊബൈലിനും വേഗമേറിയ കമ്മ്യൂണിക്കേഷന് മാര്ഗം തുറന്നു തരുന്ന പുതിയ വിദ്യയ്ക്ക് എഡിന്ബറോ സര്വകലാശാലയിലെ ഹരാള്ഡ് ഹാസ് ആണ് 'ലൈഫൈ' എന്ന പേരിട്ടത്. ദൃശ്യപ്രകാശത്തെ കമ്യൂണിക്കേഷന് ആവശ്യങ്ങള്ക്കുപയോഗിക്കാന് സഹായിക്കുന്ന സാങ്കേതികവിദ്യ ( ല്യറയധവഫ വയഭമര് ഋസശശന്ഷയഋദര്യസഷ ര്ഫഋമഷസവസഭസ്ര ) ആണിത്.
നിലവിലുള്ള വയര്ലെസ്സ് സിഗ്നല് വിനിമയ ഉപകരണങ്ങള് വളരെ ചെലവുകൂടിയതും ക്ഷമത കുറഞ്ഞവയുമാണ് ചി ചൂണ്ടിക്കാട്ടി.
'സെല്ഫോണുകളുടെ കാര്യത്തില് സിഗ്നലുകള് ശക്തിപ്പെടുത്താനായി ലക്ഷക്കണക്കിന് ബേസ് സ്റ്റെഷനുകള് ലോകത്ത് പ്രവര്ത്തിക്കുന്നുണ്ട്. അത്തരം ബേസ് സ്റ്റേഷനുകളില് ഏറ്റവുമധികം ഊര്ജം ഉപയോഗിക്കപ്പെടുന്നത് അവയിലെ ശീതീകരണ സംവിധാനത്തിലാണ്'അവര് പറഞ്ഞു.
ബേസ് സ്റ്റേഷനുകളുമായി താരതമ്യം ചെയ്താല് , ഉപയോഗിക്കാന് കഴിയുന്ന ലൈറ്റ് ബള്ബുകളുടെ എണ്ണം പ്രായോഗികമായി എണ്ണമറ്റതാണ്. 'എവിടെ ഒരു എല്ഇഡി ബള്ബ് ഓണാക്കുന്നോ, അവിടെ ഇന്ര്നെറ്റ് സിഗ്നലുമുണ്ടാകും. ബള്ബ് അണയ്ക്കുമ്പോള് സിഗ്നലും പോകും'ചി വിശദീകരിച്ചു. 'പ്രകാശം തടസ്സപ്പെടുത്തിയാലും സിഗ്നല് നഷ്ടമാകും'.
ഇപ്പോള് പ്രാരംഭഘട്ടമേ ആയിട്ടുള്ളു. ലൈഫൈ വിദ്യ വാണിജ്യാടിസ്ഥാനത്തില് രംഗത്തെത്തിക്കാന് ഇനിയും ഏറെ മുന്നേറേണ്ടതായിട്ടുണ്ട്. ഷാങ്ഹായിയില് നടക്കുന്ന ചൈന ഇന്റര്നാഷണല് ഇന്ഡസ്ട്രി ഫെയറില് അടുത്ത മാസം പുതിയ സാങ്കേതികവിദ്യ പ്രദര്ശിപ്പിക്കും.
10/17/2013
ഇതാണ് കാർബൈക്ക്
ഇതാണ് കാർബൈക്ക്
ലണ്ടൻ : ഇത് കാറാണോ? അല്ല. എങ്കിൽപ്പിന്നെ ബൈക്കാണോ? അതുമല്ല. കാറും ബൈക്കും ചേർന്ന ഒരു ഐറ്റം. ടൊയോട്ട പുറത്തിറക്കുന്ന മുച്ചക്ര വാഹനമാണ് കാണുന്നവരെ അത്ഭുതംകൊണ്ട് കണ്ണ് തള്ളിക്കുന്നത്. ടൊയോട്ട ഐ റോഡ് എന്നാണ് ഈ ഇലക്ട്രിക് വാഹനത്തിന്റെ പേര്. എത്ര കിടിലൻ ട്രാഫിക് ബ്ളോക്കായാലും ഒരു ബൈക്കിന്റെ സൗകര്യത്തോടെ അതിനിടയിലൂടെ ഈസിയായി നുഴഞ്ഞുകയറാം. ഒപ്പം മഴയും വെയിലും മഞ്ഞുമൊന്നും കൊള്ളാതെ കാറിലിരിക്കുന്നതുപോലെ രണ്ടുപേർക്ക് യാത്ര ചെയ്യാനുമാകും. ഹെൽമറ്റും വേണ്ട.
കാര്യങ്ങൾ ഇങ്ങനെയാണെങ്കിലും ഇതിന് സാധാരണ ബൈക്കിനെക്കാൾ അല്പംപോലും വീതികൂടുതലില്ല. ആക്ടീവ് ലീൻ എന്ന ടെക്നോളജി ഉപയോഗിച്ച് പ്രവർത്തിക്കുന്ന വാഹനമാണിത്. കൊടുംവളവുകളിലും മറ്റും മുൻ വീലുകളെ മുകളിലേക്കും താഴേക്കും അഡ്ജസ്റ്റ് ചെയ്ത് വാഹനമോടിക്കാൻ ഈ സാങ്കേതികവിദ്യ സഹായിക്കുന്നു. കാറിനെപ്പോലെ ഓടിക്കുമ്പോൾ തന്നെ ബൈക്കിനെപ്പോലെ വാഹനം നിയന്ത്രിക്കാൻ ഈ സംവിധാനം സഹായിക്കുന്നു. ചുരുക്കത്തിൽ ബാലൻസിനെക്കുറിച്ച് ഒട്ടും ആശങ്ക വേണ്ടെന്നർത്ഥം. 2.35 മീറ്റർ നീളവും 1.45 മീറ്റർ ഉയരവുമുള്ള ഈ വാഹനത്തിന് 85 സെന്റീമീറ്റർ മാത്രമാണ് വീതി.
ഒരുതവണ ചാർജ്ജ് ചെയ്താൽ മുപ്പതു മൈൽ വരെ ഇത് ഓടിക്കാനാവും. മണിക്കൂറിൽ 60 കിലോമീറ്ററാണ് പരമാവധി വേഗം. ഈ വാഹനം ഓടിക്കാൻ പ്രത്യേക പരിശീലനമൊന്നും വേണ്ട. വളവുകളിൽ വാഹനം എത്രത്തോളം ചരിയണമെന്നത് സ്റ്റിയറിംഗിന്റെ ചലനത്തിൽ നിന്ന് എൻജിൻ യൂണിറ്റ് കൃത്യമായി മനസ്സിലാക്കും. അതുപോലെ എങ്ങനെയുള്ള വഴിയിലും വാഹനം നിറുത്തുകയുമാവാം.
എന്നുമുതൽ വാഹനം പുറത്തിറങ്ങുമെന്നോ അതിന്റെ വില എത്രയാണെന്നതിനെപ്പറ്റിയോ ഉള്ള കൂടുതൽ വിവരങ്ങൾ വ്യ
10/13/2013
നിഷേധ വോട്ട് രേഖപ്പെടുത്താന് വോട്ടര്മാര്ക്കു സൌകര്യം
നിഷേധ വോട്ടിനു കളമായി
സ്വന്തം ലേഖകന്
മനോരമ
ന്യൂഡല്ഹി . നിഷേധ വോട്ട് രേഖപ്പെടുത്താന് വോട്ടര്മാര്ക്കു സൌകര്യം ചെയ്യണമെന്ന സുപ്രീം കോടതി നിര്ദേശാനുസരണം തിരഞ്ഞെടുപ്പു നടപടിക്രമ ചട്ടങ്ങള് പരിഷ്കരിച്ചു തിരഞ്ഞെടുപ്പു കമ്മിഷന് നിര്ദേശമിറക്കി. ബാലറ്റ് പേപ്പര് ഉപയോഗിക്കുന്ന സ്ഥലങ്ങളില്, വോട്ടര് വോട്ട് രേഖപ്പെടുത്താതെ തിരികെ നല്കുന്ന ബാലറ്റ് പേപ്പര് രഹസ്യമായി സൂക്ഷിക്കുന്ന രീതി തുടരും.
മണ്ഡലത്തില് ഭൂരിപക്ഷവും നിഷേധ വോട്ടാണെങ്കിലും ഏറ്റവും കൂടുതല് വോട്ട് നേടുന്ന സ്ഥാനാര്ഥിയെയാണു വിജയിയായി പ്രഖ്യാപിക്കേണ്ടതെന്നു സംസ്ഥാനങ്ങളിലെ മുഖ്യ തിരഞ്ഞെടുപ്പ് ഒാഫിസര്മാര്ക്കു കമ്മിഷന് പ്രിന്സിപ്പല് സെക്രട്ടറി കെ.എഫ്. വില്ഫ്രഡ് അയച്ച കത്തില് വ്യക്തമാക്കുന്നു.
പീപ്പിള് യൂണിയന് ഫോര് സിവില് ലിബര്ട്ടീസിന്റെ (പിയുസിഎല്) കേസില് കഴിഞ്ഞ മാസം 27നു നല്കിയ വിധിയിലാണു നിഷേധവോട്ടിനു വ്യവസ്ഥചെയ്യാന് സുപ്രീം കോടതി നിര്ദേശിച്ചത്. മല്സരിക്കുന്ന സ്ഥാനാര്ഥികളിലാര്ക്കും വോട്ട് ചെയ്യാന് വോട്ടര് താല്പര്യപ്പെടുന്നില്ലെങ്കില് ആ നടപടിയുടെ രഹസ്യാത്മകത ഇപ്പോഴത്തെ സംവിധാനത്തില് സംരക്ഷിക്കപ്പെടുന്നില്ലെന്നാണു ഹര്ജിക്കാര് വാദിച്ചത്. വോട്ടിങ് യന്ത്രത്തില്ത്തന്നെ നിഷേധ വോട്ടിനു വ്യവസ്ഥ ചെയ്താല് രഹസ്യാത്മകത ഉറപ്പാക്കാനാകുമെന്നു കോടതി വിലയിരുത്തി.
വോട്ടിങ് യന്ത്രത്തില്, മണ്ഡലത്തിലെ എല്ലാ സ്ഥാനാര്ഥികളുടെയും പേരിനുശേഷം, മുകളിലുള്ള ആരുമല്ല (നണ് ഒാഫ് ദി എബവ് - നോട്ട) എന്നു രേഖപ്പെടുത്തിയിരിക്കും. അതാണു നിഷേധ വോട്ടിനുള്ള സ്ഥാനം. ഉദാഹരണത്തിന്, 12 സ്ഥാനാര്ഥികളുണ്ടെങ്കില് 13-ാമതായിരിക്കും നിഷേധ വോട്ടിന്റെ ഇടം.
നിലവില് ഒരു വോട്ടിങ് യന്ത്രത്തില് പരമാവധി 16 സ്ഥാനാര്ഥികളുടെ പേരുകളാണ് ഉള്പ്പെടുത്താനാവുക. അപ്പോള്, മണ്ഡലത്തില് 16 സ്ഥാനാര്ഥികളുണ്ടെങ്കില് രണ്ടു ബാലറ്റ് യൂണിറ്റ് വേണ്ടിവരും. ആദ്യത്തേതില് സ്ഥാനാര്ഥികളുടെ പേര്, രണ്ടാമത്തേതില് നിഷേധ വോട്ടിനുള്ള ഇടം.
സ്ഥാനാര്ഥികളുടെ പേരിന്റെ അതേ വലുപ്പത്തിലും ഭാഷയിലുമായിരിക്കണം നിഷേധവോട്ടിന്റെ ഇടം വ്യക്തമാക്കേണ്ടത്. വോട്ടെണ്ണുമ്പോള് സ്ഥാനാര്ഥികളുടെ വോട്ടിനൊപ്പം നിഷേധ വോട്ടിന്റെ എണ്ണവും രേഖപ്പെടുത്തണം. ഡല്ഹി, മധ്യപ്രദേശ്, രാജസ്ഥാന്, ഛത്തീസ്ഗഡ്, മിസോറം സംസ്ഥാനങ്ങളില് അടുത്ത രണ്ടു മാസങ്ങളിലായി നടക്കുന്ന നിയമസഭാ തിരഞ്ഞെടുപ്പില് നിഷേധ വോട്ടിന് അവസരമുണ്ടാവ
നിഷേധ വോട്ട് ആണ് ബൂരിപക്ഷമെങ്കില് അത് അങ്ങീകരിക്കണം , അവിടെ മത്സരിച്ചവരെ അയോഗ്യരാക്കി വേറെ ആളുകളെ നിര്ത്തി വീണ്ടും മത്സരിപ്പിക്കണം . എങ്കിലേ മാറ്റി നിര്ത്തണം എന്ന് വിജാരിക്കുന്ന വ്യക്തികളെ ജനങ്ങള്ക്ക് മാറ്റി നിര്ത്താന് പറ്റുകയുള്ളു
10/01/2013
അയേണ് ഗുളിക കഴിച്ച വിദ്യാര്ത്ഥികള് ആസ്പത്രിയില്
അസമില് അയേണ് ഗുളിക കഴിച്ച വിദ്യാര്ത്ഥികള് ആസ്പത്രിയില്കെ.ശ്രീജിത്ത് മാതൃഭൂമി
ഗുവാഹാട്ടി: സംസ്ഥാനത്തെ നല്ബാരി ജില്ലയിലെ കൊയ്താല്കുച്ചി ഹൈസ്കൂളില് അയേണ് ഗുളിക കഴിച്ച അമ്പതോളം വിദ്യാര്ത്ഥികളെ ശാരീരികാസ്വാസ്ഥ്യത്തെത്തുടര്ന്ന് ആസ്പത്രിയില് പ്രവേശിപ്പിച്ചു. ദേശീയ ഗ്രാമീണ ആരോഗ്യ മിഷന്റെ ഒരു പദ്ധതിയുമായി ബന്ധപ്പെട്ട് സ്കൂളിലെ അധ്യാപകരാണ് ഇവര്ക്ക് ഗുളിക നല്കിയത്. ഗുളിക കഴിച്ചതിനെത്തുടര്ന്ന് വയറുവേദനയും തലവേദനയും അനുഭവപ്പെട്ട വിദ്യാര്ത്ഥികളെ അധ്യാപകരും നാട്ടുകാരും ചേര്ന്ന് ഉടന്തന്നെ അടുത്തുള്ള ആസ്പത്രിയിലെത്തിക്കുകയായിരുന്നു.
കുട്ടികളുടെ നില ഭേദപ്പെട്ടെന്നും ചികിത്സ തുടരുകയാണെന്നും ആസ്പത്രി വൃത്തങ്ങള് അറിയിച്ചു. ഒഴിഞ്ഞ വയറില് ഗുളിക കഴിച്ചതാണ് വയറുവേദനയ്ക്ക് കാരണമെന്ന് ആസ്പത്രി സൂപ്രണ്ട് എ.ആര്.ശര്മ പറഞ്ഞു.
എന്നാല് കുട്ടികള് ഭക്ഷണം കഴിച്ചെന്ന് ഉറപ്പ് പറഞ്ഞതിനെത്തുടര്ന്നാണ് അധ്യാപകര് ഗുളിക നല്കിയതെന്ന് നല്ബാരി ഡെപ്യൂട്ടി കമ്മീഷണര് ഓംപ്രകാശ് പറഞ്ഞു. ആസ്പത്രിയിലെത്തിയ രക്ഷിതാക്കളോട് ചോദിച്ചപ്പോഴും കുട്ടികള് ഭക്ഷണം കഴിച്ച ശേഷമാണ് സ്കൂളില് വന്നതെന്നായിരുന്നു ഉത്തരമെന്നും ഓംപ്രകാശ് പറഞ്ഞു.
ദേശീയ ഗ്രാമീണ ആരോഗ്യ മിഷന്റെ ' നാഷണല് അയേണ് പ്ലസ് ഇനീഷ്യേറ്റീവ്' എന്ന പദ്ധതിയ്ക്ക് കീഴിലാണ് വിദ്യാര്ത്ഥികള്ക്ക് സ്കൂളുകളില് അയേണ് ഗുളിക നല്കിത്തുടങ്ങിയത്. സപ്തംബര് ഒന്നിന് ഗുവാഹാട്ടിയില് കേന്ദ്ര ആരോഗ്യമന്ത്രി ഗുലാം നബി ആസാദ് ആണ് ഈ പദ്ധതിയുടെ സംസ്ഥാനതല ഉദ്ഘാടനം നിര്വഹിച്ചത്. പത്തിനും പത്തൊമ്പത് വയസ്സിനുമിടയിലുള്ള കുട്ടികളിലെ രക്തക്കുറവ് പരിഹരിക്കുകയാണ് പദ്ധതിയുടെ ലക്ഷ്യം. സര്ക്കാര് സ്കൂളുകളിലെയും സര്ക്കാര് എയ്ഡഡ് സ്കൂളുകളിലെയും ആറാം ക്ലാസ് മുതല് പന്ത്രണ്ടാം ക്ലാസ് വരെയുള്ള വിദ്യാര്ത്ഥികള്ക്കാണ് അയേണ് ഗുളിക നല്കുന്നത്. നേരത്തെ സോനിത്പൂര്, ദരങ് ജില്ലകളിലെ മുന്നൂറോളം കുട്ടികള്ക്കും അയേണ് ഗുളിക കഴിച്ചതിനുശേഷം ശാരീരികാസ്വാസ്ഥ്യം അനുഭവപ്പെട്ടിരുന്നു. ഇതിനെ കുറിച്ച് മോഹനന് വൈദ്യര് പറയുന്നത് കേള്ക്കൂ http://www.youtube.com/watch?v=bywb52PpCqs&list=PLan8QKlBh1Y8T1KMfEHNM9tNq8Md7r4j2
9/27/2013
കുറ്റവാളികളായ ജനപ്രതിനിധികളെ സംരക്ഷിക്കുന്ന ഓർഡിനൻസ് രാഷ്ട്രപതി മടക്കി
കുറ്റവാളികളായ ജനപ്രതിനിധികളെ സംരക്ഷിക്കുന്ന ഓർഡിനൻസ് രാഷ്ട്രപതി മടക്കി
കേന്ദ്രത്തിന് തിരിച്ചടി
കൌമുദി , മനോരമ , മാതൃഭൂമി 27/10/2013
ന്യൂഡൽഹി: ക്രിമിനൽ കേസുകളിൽ കോടതി ശിക്ഷിച്ച എം.പിമാരെയും എം.എൽ.എമാരെയും സംരക്ഷിക്കുന്ന തരത്തിലുള്ള ഓർഡിനൻസ് രാഷ്ട്രപതി പ്രണാബ് കുമാർ മുഖർജി സർക്കാരിന് മടക്കി അയച്ചു. ഇത്തരമൊരു ഓർഡിനൻസ് തിരക്കിട്ട് കൊണ്ടുവന്നതിലുള്ള നീതീകരണമെന്തെന്ന് ആഭ്യന്തര മന്ത്രി സുശീൽ കുമാർ ഷിൻഡെ, പാർലമെന്ററി കാര്യമന്ത്രി കമൽ നാഥ്, നിയമമന്ത്രി കപിൽ സിബൽ എന്നിവർ നേരിട്ടെത്തി വിശദീകരിക്കാനാണ് രാഷ്ട്രപതിയുടെ നിർദ്ദേശം. ഈ നടപടി സർക്കാരിന് കനത്ത തിരിച്ചടിയാണ്.
അത്യാവശ്യസന്ദർഭങ്ങളിൽ ഉപയോഗിക്കേണ്ട ഓർഡിനൻസ് ഇത്തരമൊരു കാര്യത്തിന് ഉപയോഗിച്ചതിനെ ബി.ജെ.പിയും സി.പി.എമ്മും അടക്കമുള്ള പ്രതിപക്ഷ പാർട്ടികൾ ചോദ്യം ചെയ്തിരുന്നു. ഓർഡിനൻസ് തള്ളണമെന്ന് അവർ രാഷ്ട്രപതിയോട് അഭ്യർഥിക്കുകയും ചെയ്തിരുന്നു. ഈ ആവശ്യം ഉന്നയിച്ച് എൽ.കെ അദ്വാനിയുടെ നേതൃത്വത്തിലുള്ള സംഘം രാഷ്ട്രപതിയെ കാണുകയും ചെയ്തിരുന്നു.
പാർലമെന്റ് നടക്കാത്ത സമയത്ത് അത്യാവശ്യഘട്ടങ്ങളിൽ നിയമം നിർമ്മിക്കാനുള്ളതാണ് ഓർഡിനൻസുകൾ. അവയ്ക്ക് ആറുമാസമേ കാലാവധിയുള്ളു. അതിനകം പാർലമെന്റ് ചേർന്ന് ഓർഡിനൻസിനു പകരം ബിൽ കൊണ്ടുവന്ന് നിയമമാക്കണം. എന്നാൽ ഇത് മറികടന്നാണ് ശിക്ഷിക്കപ്പെട്ടജനപ്രതിനികളെ തുടരാൻ അനുവദിക്കുന്ന ഓർഡിനൻസ് സർക്കാർ കൊണ്ടുവന്നത്.
കാലിത്തീറ്റക്കേസിൽ ലാലു പ്രസാദ് യാദവിനെതിരെ തിങ്കളാഴ്ച കോടതി വിധി വരുമെന്നുറപ്പായിരിക്കെ അതിൽ നിന്ന് രക്ഷിക്കാനാണ് ഓർഡിനൻസെന്നാണ് സംശയം. ജനപ്രതിനിധികളെ ശിക്ഷിക്കുന്ന നിമിഷം മുതൽ അവരുടെ അംഗത്വം റദ്ദാകുമെന്ന് അടുത്തിടെ സുപ്രീം കോടതി വ്യക്തമാക്കിയിരുന്നു. അപ്പീൽ നൽകി എം.പിയായും എം.എൽ.എയായും തുടരാനുള്ള വ്യവസ്ഥ കോടതി എടുത്തുകളയുകയും ചെയ്തിരുന്നു. ഇത് മറികടക്കാനാണ് ഓർഡിനൻസ് കൊണ്ടുവന്നത്.
നിഷേധവോട്ടിന് സുപ്രീം കോടതി അനുമതി നല്കി മാതൃഭൂമി
നിഷേധവോട്ടിന് സുപ്രീം കോടതി അനുമതി നല്കി മാതൃഭൂമി
ന്യൂഡല്ഹി: ഒരു സ്ഥാനാര്ത്ഥിക്കും വോട്ട് ചെയ്യാതിരിക്കാനുള്ള അവകാശം ഉള്പ്പെടുത്തണമെന്ന് തെരഞ്ഞെടുപ്പ് കമ്മീഷന് സുപ്രീം കോടതി നിര്ദേശം നല്കി. ഇതുപ്രകാരം വോട്ടിങ് യന്ത്രത്തിലും ബാലറ്റ് പേപ്പറിലും ഇതിനുള്ള അവകാശം രേഖപ്പെടുത്തണമെന്നും ചീഫ് ജസ്റ്റിസ് പി. സദാശിവം അധ്യക്ഷനായ ബഞ്ച് ഉത്തരവിട്ടു.
പീപ്പിള്സ് യൂണിയന് ഫോര് സിവില് ലിബര്ട്ടീസ് നല്കിയ പൊതുതാല്പര്യ ഹര്ജിയിലാണ് സുപ്രീം കോടതിയുടെ നിര്ദേശം. ഒമ്പത് വര്ഷമായി കോടതിയുടെ പരിഗണനയിലുള്ള ഹര്ജിയിലാണ് ഇന്ന് വിധിപറഞ്ഞത്.
ജനാധിപത്യപ്രക്രിയയെ ശക്തിപ്പെടുത്താന് ഇത് ആവശ്യമാണെന്ന് കോടതി നിരീക്ഷിച്ചു. തെരഞ്ഞെടുപ്പില് 13 പേര് മത്സരിക്കുന്നുണ്ടെങ്കില് പതിനാലാമതായി 'ഇതൊന്നുമല്ല' എന്നതു കൂടി ഉള്പ്പെടുത്തി വോട്ടവകാശം വിനിയോഗിക്കാന് സമ്മതിദായകരെ അനുവദിക്കണമന്നാണ് ഉത്തരവ്. ഏറ്റവും അടുത്ത തിരഞ്ഞെടുപ്പില്തന്നെ നിഷേധ വോട്ടിനുള്ള സംവിധാനം ഉണ്ടാക്കണമെന്നും കോടതി ആവശ്യപ്പെട്ടിട്ടുണ്ട്. നിലവിലുള്ള ജനപ്രാതിനധ്യ നിയമമനുസരിച്ച് വോട്ട് ചെയ്യാന് താല്പര്യമില്ലത്ത വോട്ടര്മാര് റിട്ടേണിങ് ഓഫീസറുടെ അടുത്തെത്തി വിവരം അറിയിച്ച് പേര് രജിസ്റ്റര് ചെയ്യണം. ഇതൊഴിവാക്കാനാണ് ഇപ്പോള് സംവിധാനമൊരുങ്ങുന്നത്.
ഹര്ജിയുമായി ബന്ധപ്പെട്ട് തെരഞ്ഞെടുപ്പ് കമ്മീഷന് കോടതിയില് നല്കിയ സത്യവാങ്മൂലത്തില് , നിഷേധ വോട്ട് രേഖപ്പെടുത്താനുള്ള അവസരം നല്കണമെന്ന് കേന്ദ്രസര്ക്കാരിനോട് ശുപാര്ശ ചെയ്തിരുന്നതായി വ്യക്തമാക്കിയിരുന്നു. നിഷേധ വോട്ട് നടപ്പാക്കാന് നിയമനിര്മാണം നടത്തണമെന്ന് ശുപാര്ശചെയ്ത് 2001 ഡിസംബര് 10നും 2004 ജൂലായ് 5നും കേന്ദ്രത്തിന് കത്തുനല്കിയതായും സത്യവാങ്മൂലത്തില് കമ്മീഷന് വിശദീകരിച്ചിരുന്നു.
9/24/2013
സൗരോര്ജ്ജ പാനലിനുള്ളില് സംഭരണസംവിധാനം വരുന്നു
സൗരോര്ജ്ജ പാനലിനുള്ളില് സംഭരണസംവിധാനം വരുന്നു
| Sep 24, 2013
അമൃതപുരി: രാജ്യത്തെമ്പാടുമായി മാതാ അമൃതാനന്ദമയിമഠം ദത്തെടുത്ത 101 ഗ്രാമങ്ങളില് വെളിച്ചം വിതറാന് നൂതന സൗരോര്ജ്ജ സംവിധാനം.സൗരോര്ജ്ജ പാനലുകള്ക്കൊപ്പംതന്നെ ഊര്ജ്ജസംഭരണ സംവിധാനവുമുള്ള സോളാര് സംവിധാനമാണ് അമൃത സെന്റര് ഫോര് നാനോ സയന്സസ് ആന്ഡ് മോളിക്യുലാര് മെഡിസിന് തങ്ങളുടെ സ്കൂള് ഓഫ് എന്ജിനിയറിങ്ങിന്റെ സഹകരണത്തോടെ നാനോ സാങ്കേതികവിദ്യ ഉപയോഗിച്ച് വികസിപ്പിച്ചെടുത്തിരിക്കുന്നത്. നിലവിലുള്ള സൗരോര്ജ്ജ സംവിധാനങ്ങളുടെ വലിയ പോരായ്മയാണ് ഇതോടെ പരിഹരിക്കപ്പെടുന്നതെന്നാണ് പറയുന്നത്.
ഇപ്പോള് ഊര്ജ്ജം ശേഖരിച്ചുവയ്ക്കാനുള്ള ചെലവേറിയ പ്രത്യേക സംവിധാനം സൗരോര്ജ്ജ സംവിധാനങ്ങളില് അനിവാര്യമാണ്. അമൃതയില് വികസിപ്പിച്ചെടുത്ത സംവിധാനത്തില് പാനലിനുള്ളില്ത്തന്നെ സംഭരണസംവിധാനവും സജ്ജീകരിക്കുന്നതിനാല് പ്രത്യേക സംഭരണസംവിധാനം ആവശ്യമില്ല. ചെലവുകുറഞ്ഞതും കൂടുതല് ഗുണമേന്മയുള്ളതുമായ ഈ സൗരോര്ജ്ജ സംവിധാനം എല്ലാ വൈദ്യുതോപകരണങ്ങള്ക്കുവേണ്ടിയും പ്രവര്ത്തിപ്പിക്കാനാകുമെന്ന് അമൃത സെന്റര് ഫോര് നാനോ സയന്സസ് ആന്ഡ് മോളിക്യുലാര് മെഡിസിന് ഡയറക്ടര് ഡോ. ശാന്തികുമാര് നായര് പറഞ്ഞു.
മൂന്ന് ഘടകങ്ങളാണ് ഈ പുതിയ സൗരോര്ജ്ജ സംവിധാനത്തിലുണ്ടാകുക. ഫോട്ടോ വോള്ട്ടേയ്ക് സെല്ലുകള് ഉപയോഗിച്ചുള്ള ചെലവുകുറഞ്ഞ സോളാര് പാനല്, നാനോ മെറ്റീരിയലുകള് ഉപയോഗിച്ച് നിര്മിച്ച, ഉയര്ന്ന സംഭരണശേഷിയും കൂടിയ ഊര്ജ്ജവും ലഭ്യമാക്കുന്ന കൃത്രിമ കപ്പാസിറ്റര്, പാനലിനുള്ളില്ത്തന്നെ ഇവയെ രണ്ടിനെയും ചേര്ത്തുവയ്ക്കുന്ന ഇലക്ട്രോണിക് ഇന്റര്ലേയര് എന്നിവയാണവ. പരമ്പരാഗത സിലിക്കണ് സെല്ലുകള്ക്കും ചെറിയ ബാറ്ററികള്ക്കുമൊപ്പം ഈ സംവിധാനം പ്രവര്ത്തിപ്പിക്കാനാകും.
നൂതനമായ ഈ സംവിധാനത്തിന്റെ ഔപചാരികമായ സമര്പ്പണം അമൃതവര്ഷം 60-നോടനുബന്ധിച്ച് നടക്കും. അമേരിക്കയിലെ മസാച്ചുസെറ്റ്സ് സര്വകലാശാലയിലെ മെക്കാനിക്കല് എന്ജിനിയറിങ് വകുപ്പില് 31 വര്ഷം സേവനമനുഷ്ഠിച്ചിട്ടുള്ള ഡോ. ശാന്തികുമാര് നായര് അമൃത സ്കൂള് ഓഫ് എന്ജിനിയറിങ്ങിലെ ഡോ. വിനോദ് ഗോപാലുമായി ചേര്ന്നാണ് പുതിയ സംവിധാനം വികസിപ്പിച്ചെടുത്തത്. ശാസ്ത്രസാങ്കേതിക മന്ത്രാലയത്തിന്റെ 2011ലെ നാഷണല് റിസര്ച്ച് അവാര്ഡിന് തിരഞ്ഞെടുക്കപ്പെട്ട വ്യക്തിയുമാണ് ഡോ. ശാന്തികുമാര് നായര്.
ചെലവ് കുറവായതിനാല് തെരുവുവിളക്കുകള് പ്രകാശിപ്പിക്കാനും മൊബൈല് ഫോണുകളും ലാപ്ടോപ്പും മറ്റും ചാര്ജ് ചെയ്യാനും ഇതുപയോഗിക്കാനാകും. മഠം ദത്തെടുക്കുന്ന 101 ഗ്രാമങ്ങളിലും പ്രത്യേക വിദ്യാഭ്യാസപരിപാടികള്ക്കായി ഉപയോഗിക്കുന്ന ടാബ്ലെറ്റുകള് ചാര്ജ് ചെയ്യാനും അവിടത്തെ തെരുവുവിളക്കുകള് പ്രകാശിപ്പിക്കാനും ഈ സോളാര് സംവിധാനമായിരിക്കും ഉപയോഗിക്കുക.
കേന്ദ്രസര്ക്കാരിന്റെ ശാസ്ത്രസാങ്കേതിക വകുപ്പിന്റെയും പാരമ്പര്യേതര ഊര്ജ്ജമന്ത്രാലയത്തിന്റെയും ധനസഹായത്തോടെയാണ് ഈ സംവിധാനത്തിന്റെ ആദ്യരൂപം വികസിപ്പിച്ചെടുത്തിരിക്കുന്നത്.
9/23/2013
'ലോകത്തിന്റെ വാര്ത്താവിനിമയം അമേരിക്കയുടെ കൈപ്പിടിയില് '
'ലോകത്തിന്റെ വാര്ത്താവിനിമയം അമേരിക്കയുടെ കൈപ്പിടിയില് '
mathrubumi
മുംബൈ: ലോകത്തിന്റെ വാര്ത്താവിനിമയം ലോകപോലീസായ അമേരിക്കയുടെ പിടിയിലാണെന്ന് പ്രമുഖ സ്വതന്ത്ര സോഫ്റ്റ്വേര് വക്താവ് നേവല് റോയ് സിംഗം പറഞ്ഞു.
ഇന്റര്നെറ്റിലുടെ പോകുന്ന എല്ലാവിളികളും നമ്മുടെ ഫോണ് വിളിയും അന്ഡ്രോയിഡ്, മൈക്രോസ്ഫ്റ്റ് സോഫ്റ്റ്വേറിലൂടെ എല്ലാ കാര്യങ്ങളും അമേരിക്കയിലെ നാഷണല് സെക്യൂരിറ്റി ഏജന്സിയുടെ പക്കലെത്തുന്നുന്നെും നേവല് റോയ് വ്യക്തമാക്കി.
മുംബൈയിലെത്തിയ നേവല് റോയ് സിംഗം പത്രലേഖകരുമായുള്ള കുടിക്കാഴ്ചയിലാണ് ഇക്കാര്യം വെളിപ്പെടുത്തിയത്. ഇന്ത്യയിലെപ്പോലും ഇന്റര്നെറ്റ് സംബന്ധമായ കാര്യങ്ങള് ഇന്ത്യയുടെ പക്കലല്ല. ആഗോളതലത്തില് നടക്കുന്ന ഒരു മിനിറ്റില് നടക്കുന്നത് 2010 മില്യണ് ട്രാഫിക്കാണ്. ഇന്റര്നെറ്റിലെ ഏഴുപത് ശതമാനം സന്ദേശങ്ങളും മറ്റുള്ളവര്ക്ക് മനസ്സിലാകാത്ത വിധത്തില് രഹസ്യകോഡില് സൂക്ഷിക്കുന്ന രീതി ഇപ്പോള്ത്തന്നെ അമേരിക്കയിലുണ്ട്.
കഴിഞ്ഞ മാര്ച്ച് വരെ തൊണ്ണൂറ്റി ഏഴായിരം കോടി അതിവിവരങ്ങള് അടങ്ങിയ ഇന്റര്നെറ്റ് പേജുകളാണ് അമേരിക്കയുടെ നാഷണല് സെക്യൂരിറ്റി ഏജന്സിയുടെ കൈയില് ഉള്ളത്. ഇന്ത്യയില് നിന്നുള്ള ആറ് ബില്യണ് പേജുകള് ഇപ്പോള് ഈ ഏജന്സിയുടെ പക്കലുണ്ട്.
രണ്ടാംലോക മഹായുദ്ധത്തിന് ശേഷം വാര്ത്താവിനിമയരംഗത്തിലൂടെ ലോകം കൈയടക്കാനാണ് അമേരിക്ക ശ്രമിക്കുന്നതെന്ന് അദ്ദേഹം വ്യക്തമാക്കി. കൃത്യമായ നിരീക്ഷണത്തിലൂടെ ആളുകളെ നിശ്ശബ്ദമാക്കാനും സര്ക്കാറിന് പുതിയ വാര്ത്താവിനിമയ രീതികളുടെ വളര്ച്ചയോടെ സാധ്യമായിട്ടുണ്ടെന്നും നേവല് റോയ് സിംഗം വ്യക്തമാക്കി.
ലോകത്തിന്റെ ഇന്റര്നെറ്റ് സംവിധാനത്തിന്റെ എഴുപത്തിയഞ്ച് ശതമാനവും പത്ത് വന് കമ്പനികളുടെ കൈപ്പിടിയിലാണ്. അമേരിക്കന് വാര്ത്താ മാധ്യമങ്ങളെ നിയന്ത്രിക്കുന്നത് വിരലിലെണ്ണാവുന്ന കോര്പ്പറേറ്റുകളാണെന്നും അദ്ദേഹം പറഞ്ഞു.
mathrubumi
8/23/2013
ഫോണ് കോളിന് 5000 രൂപ സമ്മാനം
അനാവശ്യ കോളുകള്ക്ക് കമ്പനികള് 5000 രൂപ പിഴ നല്കണം
ന്യൂഡല്ഹി: അനാവശ്യ കോളുകള്ക്കും എസ്.എം.എസ് സന്ദേശങ്ങള്ക്കും മൊബൈല് കമ്പനികളില് നിന്ന് പിഴ ഈടാക്കാന് ട്രായ്(ടെലികോം റെഗുലേറ്ററി അതോറിറ്റി) തീരുമാനിച്ചു. ഇത്തരം കോളുകള്ക്കും സന്ദേശങ്ങള്ക്കും 5000 രൂപ വീതം പിഴ ഈടാക്കാനാണ് ട്രായ് തീരുമാനം.
ഇത്തരം കോളുകള്ക്കെതിരായ നിരോധനം നിലനില്ക്കെ വീണ്ടും കോളുകളും സന്ദേശങ്ങളും അയക്കുന്ന ബാങ്കുകള്, ഇന്ഷുറന്സ് കമ്പനികള്, ഫ്ലാറ്റ് നിര്മ്മാതാക്കള് എന്നിവരെ ബ്ലാക്ക്ലിസ്റ്റ് ചെയ്യും.
ഉപഭോക്താക്കളുടെ അനുമതിയില്ലാതെ മാര്ക്കറ്റിങ് കോളുകളും സന്ദേശങ്ങളും പതിവായതോടെയാണ് ട്രായ് പിഴ ഈടാക്കാന് തീരുമാനിച്ചത്. എല്ലാ മാസവും 15 ാം തീയതിയോടെ തൊട്ടുതലേമാസം എത്ര ബള്ക്ക് കണക്ഷനുകള് നല്കി എന്നും ട്രായിയെ അറിയിക്കണം.
പിഴ ഈടാക്കുമെന്ന വ്യവസ്ഥ ആഗസ്ത് 22 വ്യാഴാഴ്ച മുതല് നിലവില് വന്നു. അതായത് ഇനി മുതല് ഉപഭോക്താക്കള്ക്ക് അവരുടെ മൊബൈലിലേക്ക് താത്പര്യപ്പെടാതെ എത്തുന്ന മാര്ക്കറ്റിങ് കോളുകളെക്കുറിച്ചും എസ്.എം.എസ്സുകളെക്കുറിച്ചും പരാതി നല്കാം.
പരാതി സത്യമാണെന്ന് തെളിഞ്ഞാല് ഓരോ കോളിനും 5000 രൂപ വീതം കമ്പനികള് പിഴ നല്കേണ്ടി വരും. ടെലിമാര്ക്കറ്റിങ് കോളുകളെക്കുറിച്ച് വ്യാപകമായി പരാതികള് ഉയര്ന്നതോടെ കഴിഞ്ഞ നവംബറിലാണ് കര്ശന നിയന്ത്രണങ്ങള് കൊണ്ടുവന്നത്.
അതിന് ശേഷവും ഇത് തുടര്ന്നതോടെയാണ് പിഴ കര്ശനമാക്കാന് ട്രായ് തീരുമാനിച്ചത്. അനാവശ്യ എസ്.എം.എസ് സന്ദേശങ്ങള് നിയന്ത്രിക്കുന്നതിന്റെ ഭാഗമായി നവംബറില് എസ്.എം.എസ് പരിധി ദിവസവും 100 വീതമാക്കി ആക്കി കുറിച്ചിരുന്നു
8/10/2013
കേരളത്തിൽ ഉടനെ
കേരളത്തിൽ ഉടനെ 
ജപ്പാനിലെ വന്കിട വാഹനക്കമ്പനികള് ഇപ്പോള് ഒരു കാര്യത്തിനു വേണ്ടി ശത്രുത മറന്ന് ഒന്നിച്ചിരിക്കുന്നുരാജ്യത്തുടനീളം വൈദ്യുതവാഹനങ്ങള് ചാര്ജ് ചെയ്യാനുള്ള ഇലക്ട്രിക് പമ്പുകള് തുറക്കണം. അതിന് ഒത്തൊരുമിച്ചുള്ള ഭഗീരഥപ്രയത്നം തുടങ്ങിക്കഴിഞ്ഞു അവര്. ഒപ്പം സര്വ പിന്തുണയുമായി സര്ക്കാരുമുണ്ട്.
ടൊയോട്ട, നിസ്സാന്, ഹോണ്ട, മിത്സുബിഷി എന്നീ കമ്പനികളാണ് കൂടുതല് ചാര്ജിങ് കേന്ദ്രങ്ങള് തുറക്കുന്നതിനുള്ള പദ്ധതികളുമായി രംഗത്തുവന്നിട്ടുള്ളത്. ഇപ്പോള് 5000 ചാര്ജിങ് സ്റ്റേഷനുകളാണ് രാജ്യത്ത് ആകെ ഉള്ളത്. ഇത് 12000 ആക്കി ഉയര്ത്താനുള്ള ശ്രമങ്ങളാണ് നടന്നുകൊണ്ടിരിക്കുന്നത്.
ചാര്ജിങ് കേന്ദ്രങ്ങളുടെ അഭാവം മൂലമാണ് ആളുകള് ഇലക്ട്രിക് വാഹനങ്ങള് വാങ്ങാന് മടിക്കുന്നത്. ഇലക്ട്രിക് പമ്പുകള് ധാരാളമായി വന്നുകഴിഞ്ഞാല് ഇലക്ട്രിക് മോട്ടോര് വാഹനങ്ങളുടെ വില്പനയും കൂടുമെന്നാണ് വാഹനക്കമ്പനികളുടെ കണക്കുകൂട്ടല്.
http://www.mathrubhumi.com/auto/story.php?id=3826237/12/2013
കസ്റ്റഡിയിലും ജയിലിലുമുള്ളവര്ക്ക് മത്സരിക്കാനാവില്ല
12/7/2013കസ്റ്റഡിയിലും ജയിലിലുമുള്ളവര്ക്ക് മത്സരിക്കാനാവില്ലസുപ്രീം കോടതി
ന്യൂഡല്ഹി: ജയിലിലോ പോലീസ് കസ്റ്റഡിയിലോ ഉള്ളവര്ക്കും തിരഞ്ഞെടുപ്പില് മത്സരിക്കാന് കഴിയില്ലെന്ന് സുപ്രീം കോടതി വ്യക്തമാക്കി. ക്രിമിനല് കേസില് ശിക്ഷിക്കപ്പെട്ടാല് നിയമനിര്മാണസഭകളിലെ പ്രതിനിധികളുടെ അംഗത്വം റദ്ദാകുമെന്ന ഉത്തരവിന് പിന്നാലെയാണ് മറ്റൊരു കേസിലെ വിധി.2004ല് പട്ന ഹൈക്കോടതി പുറപ്പെടുവിച്ച വിധി ശരിവെച്ചുകൊണ്ടാണ് ജസ്റ്റിസുമാരായ എ.കെ. പട്നായിക്ക്, എസ്.ജെ. മുഖോപാധ്യായ എന്നിവരടങ്ങുന്ന ബെഞ്ച് ഉത്തരവ് പുറപ്പെടുവിച്ചത്. കുറ്റപത്രംപോലും ലഭിച്ചിട്ടില്ലാത്ത നിരവധി രാഷ്ട്രീയക്കാര് ജയിലിലുണ്ടായിരിക്കെ രാഷ്ട്രീയ ശത്രുക്കള് പുതിയ വിധി ദുരുപയോഗം ചെയ്യാന് സാധ്യതയുണ്ടെന്ന് നിരീക്ഷകര് കരുതുന്നു.
ജയിലില് കഴിയുന്ന ഒരാള്ക്ക് വോട്ടു ചെയ്യാന് അവകാശമില്ലെങ്കില് ജയിലിലുള്ള വ്യക്തിക്ക് മത്സരിക്കാനും അവകാശമില്ലെന്ന് കോടതി പറഞ്ഞു. ജയിലിലുള്ളവരുടെ പേരുകള് വോട്ടര്പട്ടികയില് നിന്ന് നീക്കം ചെയ്യണമെന്ന പട്ന ഹൈക്കോടതി നിര്ദേശത്തിനെതിരെ തിരഞ്ഞെടുപ്പ് കമ്മീഷന് നല്കിയ ഹര്ജിയിലാണ് സുപ്രീം കോടതി തീരുമാനം. ജയിലിലും കസ്റ്റഡിയിലുമുള്ളവരുടെ പേരുകള് അവസാനനിമിഷം വോട്ടര്പട്ടികയില് നിന്നൊഴിവാക്കണമെന്ന നിര്ദേശം പ്രായോഗികമല്ലെന്നായിരുന്നു കമ്മീഷന്റെ വാദം.
1951ലെ ജനപ്രാതിനിധ്യ നിയമത്തിലെ 62ാം വകുപ്പില് അഞ്ചാം ഉപവകുപ്പ് പ്രകാരം വോട്ടുചെയ്യാന് ഒരു വ്യക്തിക്ക് അവകാശമില്ലെങ്കില്, പാര്ലമെന്റിലേക്കോ നിയമസഭയിലേക്കോ മത്സരിക്കാനും അവകാശമില്ലെന്ന് സുപ്രീം കോടതി വ്യക്തമാക്കി. കരുതല് തടങ്കല് ഒഴിച്ച് ജയിലിലും പോലീസ് കസ്റ്റഡിയിലുമുള്ളവര്ക്ക് വോട്ടു ചെയ്യാന് അവകാശമില്ലെന്നാണ് ഈ വകുപ്പില് പറയുന്നത്.
''നിയമമാണ് അവകാശം നല്കുന്നത്. തിരിച്ചെടുക്കുന്നതും നിയമമാണ്. കുറ്റം ചെയ്തുവെന്ന് തെളിഞ്ഞാല് തിരഞ്ഞെടുപ്പില് മത്സരിക്കാന് പറ്റില്ല. ഭരണഘടനയും നിയമവും വ്യാഖ്യാനിച്ചാല് പോലീസിന്റെ കസ്റ്റഡിയിലുള്ളവര്ക്ക് 1951ലെ നിയമപ്രകാരം വോട്ടു ചെയ്യാന് അവകാശമില്ല. ആ സാഹചര്യത്തില് മത്സരിക്കാനും അവകാശമില്ല. തിരഞ്ഞെടുപ്പ് രംഗത്തേക്ക് പോകുന്നതില് നിന്ന് ഇത്തരക്കാര്ക്കുള്ള അവകാശം നിയമം തത്കാലത്തേക്ക് എടുത്തുകളയുകയാണ്''കോടതി ചൂണ്ടിക്കാട്ടി.
പേര് വോട്ടര്പട്ടികയില് നിന്നൊഴിവാക്കിയില്ലെങ്കിലും വോട്ടു ചെയ്യാനുള്ള യോഗ്യത പോലീസ് കസ്റ്റഡിയിലാകുമ്പോള് ഇല്ലാതാവുകയാണെന്ന പട്ന ഹൈക്കോടതിയുടെ കണ്ടെത്തലും സുപ്രീം കോടതി ശരിവെച്ചു.
ഞാൻ പറഞ്ഞ പത്തിൽ രണ്ടാമത്തെ കാര്യമാണ് ഇപ്പോൾ സുപ്രീം കോടതിയിലൂടെ നിയമമാകുന്നത് . ബാക്കി ഉള്ളത് കൂടി നിയമമകട്ടെ ,തീര്ച്ചയായും ജനാധിപത്യം രക്ഷപ്പെടും ഇന്നല്ലെങ്കിൽ നാളെ മറ്റുള്ളവയും നിയമമാകും
7/10/2013
ക്രിമിനൽ കേസിൽ ശിക്ഷിക്കപ്പെട്ട എം.എൽ.എമാർക്കും എം.പിമാർക്കും തുടരാനാവില്ല: സുപ്രീംകോടതി 10/7/ 2013
ക്രിമിനൽ കേസിൽ ശിക്ഷിക്കപ്പെട്ട എം.എൽ.എമാർക്കും എം.പിമാർക്കും തുടരാനാവില്ല: സുപ്രീംകോടതി 10/7/ 2013
ന്യൂഡൽഹി: ക്രിമിനൽ കേസുകളിൽ വിചാരണക്കോടതി ശിക്ഷിച്ച എം.എൽ.എമാർക്കും എം.പിമാർക്കും തുടരാനാവില്ലെന്ന് സുപ്രീംകോടതി ഉത്തരവിട്ടു. ഇത്തരക്കാരെ ശിക്ഷിക്കപ്പെട്ട ദിവസം തന്നെ അയോഗ്യരാക്കാമെന്നും കോടതി ചൂണ്ടിക്കാട്ടി. ക്രിമിനൽ കേസിൽ ശിക്ഷിക്കപ്പെടുന്നവർക്ക് തിരഞ്ഞെടുപ്പിൽ മത്സരിക്കുന്നതിന് പരിരക്ഷ നൽകുന്ന ജനപ്രാതിനിധ്യ നിയമത്തിലെ 8(4) ചട്ടം റദ്ദാക്കി കൊണ്ടാണ് കോടതിയുടെ ഉത്തരവ്.
എന്നാൽ സുപ്രീംകോടതിയുടെ ഈ വിധി വരുന്നതിന് തന്നെ ശിക്ഷിച്ചതിനെതിരെ മേൽക്കോടതികളിൽ അപ്പീൽ നൽകിയ എം.പിമാർ, എം.എൽ.എമാർ മറ്റു ജനപ്രതിനിധികൾ എന്നിവർക്ക് ഈ ഉത്തരവ് ബാധകമല്ലെന്ന് ജസ്റ്റീസുമാരായ എ.കെ.പട്നായ്ക്, എസ്.ജെ.മുഖോപദ്ധ്യായ എന്നിവരടങ്ങിയ ഡിവിഷൻ ബെഞ്ച് വ്യക്തമാക്കി.
സുപ്രീംകോടതിയുടെ വിധിയോടെ നിലവിൽ ഏതെങ്കിലും ജനപ്രതിനിധി ക്രിമിനൽ കേസിൽ രണ്ടു വർഷത്തിൽ കൂടുതൽ ശിക്ഷിക്കപ്പെടുകയും കോടതി ഉത്തരവിന് മുന്പ് അപ്പീൽ നൽകാതിരിക്കുകയും ചെയ്തിട്ടുണ്ടെങ്കിൽ അംഗത്വം നഷ്ടമാകും. നിലവിൽ ജനപ്രതിനിധികളുടെ അപ്പീലിൽ സുപ്രീംകോടതിയുടെ അന്തിമ വിധി വരുന്നത് വരെ അധികാരത്തിൽ തുടരാമെന്ന അവസ്ഥയാണുള്ളത്.
ക്രിമിനൽ കേസിൽ ശിക്ഷിക്കപ്പെട്ടവരെ മത്സരിക്കുന്നതിൽ നിന്ന് വിലക്കണമെന്ന് ആവശ്യപ്പെട്ട് ലില്ലി തോമസ് എന്ന സ്ത്രീയും എൻ.ജി.ഒ സംഘടനയായ ലോക് പ്രഹരിയും നൽകിയ ഹർജിയിന്മേലാണ് കോടതിയുടെ ഈ നടപടി.
ബലാത്സംഗക്കുറ്റം: യുവതിയും പോലീസും 'പാഠം' പഠിച്ചു
mathrubumi 10/7/13
ബലാത്സംഗക്കുറ്റം: യുവതിയും പോലീസും 'പാഠം' പഠിച്ചു
കൊച്ചി: ബലാത്സംഗ കുറ്റത്തിന് ഇന്ത്യന് ശിക്ഷാ നിയമത്തിലെ നിര്വചനങ്ങള് കാറ്റില്പറത്തിക്കൊണ്ട് ജോസ് തെറ്റയിലിന് എതിരെ കേസ് എടുത്തപ്പോള് പരാതിക്കാരിയായ യുവതിയും പോലീസും 'പാഠം' പഠിച്ചു.
ഒരു സ്ത്രീയുടെ സമ്മതമില്ലാതെ, അല്ലെങ്കില് ഭീഷണിക്ക് വിധേയമാക്കി സമ്മതിപ്പിക്കുകയോ അവളുടെ ഇഷ്ടത്തിന് വിരുദ്ധമായോ നടത്തുന്ന കുറ്റകൃത്യമാണ് ബലാത്സംഗം. ആലുവയിലെ ഒരു ഫ്ലാറ്റില് തനിയെ താമസിക്കുന്ന 30 വയസ്സുകാരിയായ യുവതി തന്റെ കിടപ്പറയിലേക്ക് എം.എല്.എ.യെ കൂട്ടിക്കൊണ്ടുവന്ന് ലൈംഗിക ബന്ധത്തില് ഏര്പ്പെട്ടു. ഇക്കാര്യം ആലുവ റൂറല് പോലീസ് സൂപ്രണ്ടിന് നല്കിയ പരാതിയില് യുവതി സമ്മതിച്ചിട്ടുണ്ട്. എം.എല്.എ. ബലപ്രയോഗം നടത്തിയതായോ ഭീഷണിപ്പെടുത്തി താനുമായി ലൈംഗിക ബന്ധത്തിലേര്പ്പെട്ടതായോ ആരോപിക്കുന്നില്ല. മാത്രമല്ല ഭയവും നീരസവും തോന്നിയെങ്കിലും എം.എല്.എ.യുടെ ചെയ്തികള് മുറിയില് ഘടിപ്പിച്ചിരുന്ന വെബ് ക്യാമറയില് പകര്ത്തണമെന്ന ആഗ്രഹത്തോടെ താന് കാര്യമായ എതിര്പ്പൊന്നും പ്രകടിപ്പിക്കാതെ നിന്നുവെന്നും യുവതി പോലീസിന് നല്കിയ പരാതിയില് പറഞ്ഞു. ബലാത്സംഗ കുറ്റം എങ്ങനെ എം.എല്.എ.യ്ക്ക് എതിരെ നിലനില്ക്കുമെന്ന സംശയം ഹൈക്കോടതി ചൊവ്വാഴ്ചയും ഉന്നയിച്ചത് അതുകൊണ്ടാണ്.
'എം.എല്.എ.യുടെ മകനുമായി വിവാഹം യുവതിക്ക് ആലോചിച്ചിരുന്നു. എന്നാല് അതില് നിന്ന് പിന്മാറിയ എം.എല്.എ. തന്നെ വഞ്ചിക്കുകയാണെന്ന് തോന്നി. അതിനുശേഷം തന്നെ ലൈംഗികമായി പീഡിപ്പിക്കാന് ശ്രമിച്ചത് സഹിക്കാന് കഴിഞ്ഞില്ല. വല്ലാത്ത നിരാശ തോന്നി. അവസരം കിട്ടിയാല് എം.എല്.എ.യെ ഒരു പാഠം പഠിപ്പിക്കണമെന്ന് തോന്നി'. യുവതി പോലീസ് മുമ്പാകെ നല്കിയ പരാതിയില് പറഞ്ഞു. അങ്ങനെ പരാതി നല്കിയ യുവതിയും കേസ് എടുത്ത പോലീസും ചൊവ്വാഴ്ച ഉണ്ടായ ഹൈക്കോടതി ഉത്തരവോടെ 'പാഠം' പഠിക്കുകയും ചെയ്തു.
എം.എല്.എ.യെ യുവതി ഫ്ലാറ്റിലേക്ക് കൂട്ടിക്കൊണ്ടുവന്നത് സ്വന്തം ഇഷ്ടപ്രകാരമാണെന്നും വെബ്ക്യാമറ കിടപ്പുമുറിയില് ഘടിപ്പിച്ചത് കരുതിക്കൂട്ടി എം.എല്.എ.യെ കുടുക്കാനാണെന്നും അദ്ദേഹത്തിന്റെ അഭിഭാഷകന് എം.കെ. ദാമോദരന് വാദിച്ചിരുന്നു.
സ്വന്തം കിടപ്പറ രഹസ്യം വെബ്ക്യാമറയില് പകര്ത്തി അത് പുറത്തുവിടുന്ന യുവതിയുടെ കേസ് ഒരു പക്ഷേ ഇന്ത്യയില് തന്നെ ആദ്യത്തേതായിരിക്കുമെന്ന് അഡ്വ. ദാമോദരന് കേസ് വാദത്തിനിടയില് പറഞ്ഞിരുന്നു.
യുവതി പരാതിയില് ഉന്നയിക്കുന്ന കാര്യങ്ങളില് പലതും വിശ്വസനീയമായി ഹൈക്കോടതിക്കും തോന്നിയില്ല. പൊള്ളയായ പരാതിയുടെ അടിസ്ഥാനത്തില് കേസ് എടുത്ത പോലീസ് നടപടിയിലും ഹൈക്കോടതി അതൃപ്തി പ്രകടിപ്പിച്ചു.
ബലാത്സംഗ കുറ്റം നിലനില്ക്കില്ലെന്ന് ബോധ്യപ്പെട്ട പോലീസ് എം.എല്.എ.ക്ക് എതിരെ ഇന്ത്യന് ശിക്ഷാനിയമം 354ാം വകുപ്പ് അനുസരിച്ച് (സ്ത്രീത്വത്തെ അപമാനിക്കല്) കേസ് എടുക്കാന് ശ്രമിച്ചിരുന്നു. എന്നാല് ചൊവ്വാഴ്ച ഉണ്ടായ ഉത്തരവോടെ അതും ഉപേക്ഷിച്ചു.
ബലാത്സംഗക്കുറ്റം: യുവതിയും പോലീസും 'പാഠം' പഠിച്ചു
കൊച്ചി: ബലാത്സംഗ കുറ്റത്തിന് ഇന്ത്യന് ശിക്ഷാ നിയമത്തിലെ നിര്വചനങ്ങള് കാറ്റില്പറത്തിക്കൊണ്ട് ജോസ് തെറ്റയിലിന് എതിരെ കേസ് എടുത്തപ്പോള് പരാതിക്കാരിയായ യുവതിയും പോലീസും 'പാഠം' പഠിച്ചു.
ഒരു സ്ത്രീയുടെ സമ്മതമില്ലാതെ, അല്ലെങ്കില് ഭീഷണിക്ക് വിധേയമാക്കി സമ്മതിപ്പിക്കുകയോ അവളുടെ ഇഷ്ടത്തിന് വിരുദ്ധമായോ നടത്തുന്ന കുറ്റകൃത്യമാണ് ബലാത്സംഗം. ആലുവയിലെ ഒരു ഫ്ലാറ്റില് തനിയെ താമസിക്കുന്ന 30 വയസ്സുകാരിയായ യുവതി തന്റെ കിടപ്പറയിലേക്ക് എം.എല്.എ.യെ കൂട്ടിക്കൊണ്ടുവന്ന് ലൈംഗിക ബന്ധത്തില് ഏര്പ്പെട്ടു. ഇക്കാര്യം ആലുവ റൂറല് പോലീസ് സൂപ്രണ്ടിന് നല്കിയ പരാതിയില് യുവതി സമ്മതിച്ചിട്ടുണ്ട്. എം.എല്.എ. ബലപ്രയോഗം നടത്തിയതായോ ഭീഷണിപ്പെടുത്തി താനുമായി ലൈംഗിക ബന്ധത്തിലേര്പ്പെട്ടതായോ ആരോപിക്കുന്നില്ല. മാത്രമല്ല ഭയവും നീരസവും തോന്നിയെങ്കിലും എം.എല്.എ.യുടെ ചെയ്തികള് മുറിയില് ഘടിപ്പിച്ചിരുന്ന വെബ് ക്യാമറയില് പകര്ത്തണമെന്ന ആഗ്രഹത്തോടെ താന് കാര്യമായ എതിര്പ്പൊന്നും പ്രകടിപ്പിക്കാതെ നിന്നുവെന്നും യുവതി പോലീസിന് നല്കിയ പരാതിയില് പറഞ്ഞു. ബലാത്സംഗ കുറ്റം എങ്ങനെ എം.എല്.എ.യ്ക്ക് എതിരെ നിലനില്ക്കുമെന്ന സംശയം ഹൈക്കോടതി ചൊവ്വാഴ്ചയും ഉന്നയിച്ചത് അതുകൊണ്ടാണ്.
'എം.എല്.എ.യുടെ മകനുമായി വിവാഹം യുവതിക്ക് ആലോചിച്ചിരുന്നു. എന്നാല് അതില് നിന്ന് പിന്മാറിയ എം.എല്.എ. തന്നെ വഞ്ചിക്കുകയാണെന്ന് തോന്നി. അതിനുശേഷം തന്നെ ലൈംഗികമായി പീഡിപ്പിക്കാന് ശ്രമിച്ചത് സഹിക്കാന് കഴിഞ്ഞില്ല. വല്ലാത്ത നിരാശ തോന്നി. അവസരം കിട്ടിയാല് എം.എല്.എ.യെ ഒരു പാഠം പഠിപ്പിക്കണമെന്ന് തോന്നി'. യുവതി പോലീസ് മുമ്പാകെ നല്കിയ പരാതിയില് പറഞ്ഞു. അങ്ങനെ പരാതി നല്കിയ യുവതിയും കേസ് എടുത്ത പോലീസും ചൊവ്വാഴ്ച ഉണ്ടായ ഹൈക്കോടതി ഉത്തരവോടെ 'പാഠം' പഠിക്കുകയും ചെയ്തു.
എം.എല്.എ.യെ യുവതി ഫ്ലാറ്റിലേക്ക് കൂട്ടിക്കൊണ്ടുവന്നത് സ്വന്തം ഇഷ്ടപ്രകാരമാണെന്നും വെബ്ക്യാമറ കിടപ്പുമുറിയില് ഘടിപ്പിച്ചത് കരുതിക്കൂട്ടി എം.എല്.എ.യെ കുടുക്കാനാണെന്നും അദ്ദേഹത്തിന്റെ അഭിഭാഷകന് എം.കെ. ദാമോദരന് വാദിച്ചിരുന്നു.
സ്വന്തം കിടപ്പറ രഹസ്യം വെബ്ക്യാമറയില് പകര്ത്തി അത് പുറത്തുവിടുന്ന യുവതിയുടെ കേസ് ഒരു പക്ഷേ ഇന്ത്യയില് തന്നെ ആദ്യത്തേതായിരിക്കുമെന്ന് അഡ്വ. ദാമോദരന് കേസ് വാദത്തിനിടയില് പറഞ്ഞിരുന്നു.
യുവതി പരാതിയില് ഉന്നയിക്കുന്ന കാര്യങ്ങളില് പലതും വിശ്വസനീയമായി ഹൈക്കോടതിക്കും തോന്നിയില്ല. പൊള്ളയായ പരാതിയുടെ അടിസ്ഥാനത്തില് കേസ് എടുത്ത പോലീസ് നടപടിയിലും ഹൈക്കോടതി അതൃപ്തി പ്രകടിപ്പിച്ചു.
ബലാത്സംഗ കുറ്റം നിലനില്ക്കില്ലെന്ന് ബോധ്യപ്പെട്ട പോലീസ് എം.എല്.എ.ക്ക് എതിരെ ഇന്ത്യന് ശിക്ഷാനിയമം 354ാം വകുപ്പ് അനുസരിച്ച് (സ്ത്രീത്വത്തെ അപമാനിക്കല്) കേസ് എടുക്കാന് ശ്രമിച്ചിരുന്നു. എന്നാല് ചൊവ്വാഴ്ച ഉണ്ടായ ഉത്തരവോടെ അതും ഉപേക്ഷിച്ചു.
ഇതിനായി സബ്സ്ക്രൈബ് ചെയ്ത:
പോസ്റ്റുകള് (Atom)